തിരുവനന്തപുരം: ജസ്റ്റിസ് ഹേമ കമ്മിറ്റി റിപ്പോര്ട്ട് ചര്ച്ച ചെയ്യാന് യോഗം വിളിച്ച് സംസ്ഥാന സര്ക്കാര്. മെയ് നാലാം തിയതി തിരുവനന്തപുരത്ത് യോഗം നടക്കും. സിനിമാ മേഖലയില് മീടൂ ആരോപണങ്ങള് കൂടുതലായി ഉയര്ന്നുവരുന്ന പശ്ചാത്തലത്തിലാണ് തീരുമാനം.
സാംസ്കാരിക വകുപ്പ് മന്ത്രി സജി ചെറിയാന്റെ അധ്യക്ഷതയിലാണ് യോഗം. എംഎംഎംഎ, ഫെഫ്ക ഉള്പ്പെടെ സിനിമാ മേഖലയിലെ എല്ലാ പ്രധാന സംഘടനകളെയും യോഗത്തില് ക്ഷണിച്ചിട്ടുണ്ട്.
ചലച്ചിത്ര മേഖലയിലെ സ്ത്രീകളുടെ തൊഴില് സാഹചര്യങ്ങളുമായി ബന്ധപ്പെട്ട വിഷയങ്ങളെ കുറിച്ച് പഠിച്ച് പരിഹാരം നിര്ദേശിക്കാനാണ് സംസ്ഥാന സര്ക്കാര് നിയോഗിച്ച ജസ്റ്റിസ് ഹേമ കമ്മിറ്റിയെ നിയോഗിച്ചത്. ഹേമാ കമ്മിറ്റി റിപ്പോര്ട്ട് പുറത്ത് വിടാത്തതിനെതിരെ നടി പാര്വതി തിരുവോത്ത് ഉള്പ്പെടെയുള്ളവര് വ്യാപകമായ വിമര്ശനം ഉന്നയിച്ചിരുന്നു.
Discussion about this post