മുതിര്ന്ന നടി കോഴിക്കോട് ശാരദ (75) അന്തരിച്ചു. കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലിരിക്കെ ഹൃദയാഘാതത്തെ തുടര്ന്നായിരുന്നു അന്ത്യം.
അനുബന്ധം, നാല്ക്കവല, അന്യരുടെ ഭൂമി എന്നീ ചിത്രങ്ങളില് ശ്രദ്ധേയമായ വേഷങ്ങള് അവതരിപ്പിച്ചു. കൂടാതെ ഉത്സവപ്പിറ്റേന്ന്, സദയം, സല്ലാപം, കിളിച്ചുണ്ടന് മാമ്പഴം, അമ്മക്കിളിക്കൂട്, യുഗപുരുഷന്, കുട്ടിസ്രാങ്ക് എന്നിവയുള്പ്പെടെ എണ്പതോളം ചിത്രങ്ങളില് അഭിനയിച്ചിട്ടുണ്ട്.
സിനിമ കൂടാതെ ടെലിവിഷന് സീരിയലുകളിലും സജീവമായിരുന്നു. കോഴിക്കോട് സ്വദേശിയായ ശാരദ നാടകങ്ങളിലൂടെയാണ് അഭിനയ രംഗത്തെത്തിയത്. 1979-ല് അങ്കക്കുറിയാണ് ആദ്യ സിനിമ.
Discussion about this post