ഒഎന്വി സാഹിത്യ പുരസ്കാരം വേണ്ടെന്ന് തമിഴ് കവിയും ഗാനരചയിതാവുമായ വൈരമുത്തു. വിവാദമുയര്ന്ന സാഹചര്യത്തിലാണ് തീരുമാനം. ഒഎന്വി പുരസ്കാരത്തിന് പരിഗണിച്ചതിന് നന്ദിയുണ്ടെന്നും വൈരമുത്തു പറഞ്ഞു.
വൈരമുത്തുവിന് എതിരായ മീടൂ ആരോപണങ്ങളുടെ പശ്ചാത്തലത്തില് അദ്ദേഹത്തിന് അവാര്ഡ് നല്കുന്നതില് വ്യാപക പ്രതിഷേധം ഉയര്ന്നിരുന്നു. തീരുമാനം പുനപരിശോധിക്കുമെന്ന് അവാര്ഡ് നിര്ണ്ണയക സമിതി അറിയിക്കുകയും ചെയ്തിരുന്നു.
തനിക്കെതിരെ നാളുകളായി വ്യാപകമായ ആരോപണങ്ങള് ഉയരുന്നുണ്ട്. തന്റെ നിരപരാധിത്വം എല്ലാവര്ക്കും അറിയാം. തന്റെ സത്യസന്ധത എവിടെയും ഉരച്ചുനോക്കി തെളിയിക്കേണ്ടതല്ലലോ. ഈ സാഹചര്യത്തില് ഒഎന്വി പുരസ്കാരം സ്വീകരിക്കുന്നില്ല. സമ്മാനതുകയായ മൂന്ന് ലക്ഷം രൂപ കേരള മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കണമെന്ന് അഭ്യര്ത്ഥിക്കുന്നതായും വൈരമുത്തു പറഞ്ഞു.
Discussion about this post