താരങ്ങള്ക്കിടയില് കോവിഡ് പടര്ന്നതിനെ തുടര്ന്ന് നിര്ത്തിവെച്ച ഐപിഎല് മത്സരങ്ങള് ഇന്ത്യയില് നടത്താനാകില്ലെന്ന് ബിസിസിഐ അധ്യക്ഷന് സൗരവ് ഗാംഗുലി. ഇനിയുള്ള മത്സരങ്ങള് സംഘടിപ്പിക്കുന്നത് എവിടെവച്ചാകും എന്ന കാര്യത്തിലും തീരുമാനം ആയിട്ടില്ലെന്നും, ഇപ്പോഴുള്ള സാഹചര്യത്തില് ഇന്ത്യയില് മത്സരങ്ങള് നടത്താനാകില്ലെും് അദ്ദേഹം വ്യക്തമാക്കി.
കളിക്കാര്ക്ക് ഏര്പ്പെടുത്തിയ ബയോ ബബിളില് കോവിഡ് കേസുകള് റിപ്പോര്ട്ട് ചെയ്തതിനാലാണ് ഐപിഎല് നിര്ത്തിവെക്കേണ്ടി വന്നത്. അത്തരമൊരു സാഹചര്യം ഇന്ത്യയില് ഉണ്ടായിരുന്നില്ലെങ്കില് മത്സരങ്ങള് തുടരുമായിരുന്നുവെന്ന് അദ്ദേഹം പറഞ്ഞു.
കോവിഡ് വ്യാപനത്തിനിടയില് ഇന്ത്യയില് ഐപിഎല് നടത്തിയതിനെ വിമര്ശിച്ചവര്ക്കും അദ്ദേഹം മറുപടി നല്കി. ഇംഗ്ലീഷ് പ്രീമിയര് പോലുള്ള ടൂര്ണമെന്റുകള് കളിക്കാര്ക്ക് കോവിഡ് സ്ഥിരീകരിച്ചിട്ടും നടന്നിട്ടുണ്ടെന്നും ഗാംഗുലി പറഞ്ഞു.
Discussion about this post