ആരോഗ്യഗുണങ്ങളുടെ കലവറയാണ് പഴങ്ങൾ. നമ്മുടെ ആരോഗ്യത്തെ സംരക്ഷിക്കാൻ പ്രാപ്തമായ പല ഘടകങ്ങളിലും പഴവർഗങ്ങളിൽ അടങ്ങിയിട്ടുണ്ട്. ധാരാളം ആരോഗ്യ ഗുണങ്ങൾ ഉള്ള ഒന്നാണ് പിയർ ഫ്രൂട്ട്. നാരുകൾ, വിറ്റാമിൻ സി, വിറ്റാമിൻ കെ, ഫൈബറുകൾ,ആൻറി ഓക്സിഡന്റുകൾ അങ്ങനെ ധാരാളം ആരോഗ്യഗുണങ്ങളുള്ള ഒന്ന്.
കോവിഡ് കാലത്ത് കൂടുതൽ പേരും കഴിച്ച പഴവർഗം കൂടിയാണ് ഇത്. വിറ്റാമിൻ സി ധാരാളമുള്ള ഇത് രോഗപ്രതിരോധശേഷി വർദ്ധിപ്പിക്കുവാൻ ഏറ്റവും ഉത്തമമാണ്. ഗർഭ കാലഘട്ടത്തിൽ പിയർ പഴം കഴിക്കുന്നത് വഴി ചർമ്മത്തിന്റെയും, എല്ലുകളുടെയും ആരോഗ്യം മെച്ചപ്പെടും. ധാരാളമായി ഫോളിക് ആസിഡ് അടങ്ങിയിരിക്കുന്നത് കൊണ്ട് ഗർഭസ്ഥശിശുക്കളുടെ ആരോഗ്യം മെച്ചപ്പെടുവാനും, കുഞ്ഞുങ്ങളുടെ ശാരീരിക വൈകല്യങ്ങൾ തടയുവാനും ഈ പഴം ഗുണം ചെയ്യും.
കോപ്പർ ധാരാളമുള്ള ഇവ സന്ധിവേദനകളെ പോലും അകറ്റും. രക്തസമ്മർദ്ദം കുറയ്ക്കുവാനും ശരീരഭാരം കുറയ്ക്കുവാനും പിയർ ഏറ്റവും മികച്ച പഴവർഗമായി കണക്കാക്കുന്നു. പൊട്ടാസ്യം ധാരാളം ഉള്ളതുകൊണ്ട് ഹൃദയസംബന്ധമായ അസുഖങ്ങളെ പറ്റി ഈ പഴം കഴിക്കുന്നവർ ആശങ്കപ്പെടേണ്ട കാര്യമില്ല. ഇത് രക്തത്തിലെ പഞ്ചസാരയുടെ അളവ് വരെ നിയന്ത്രിക്കുന്നു.
Discussion about this post