മുംബൈ: . ഐപിഎല്ലില് ചെന്നൈ സൂപ്പര് കിംഗ്സിന്റെ നായക സ്ഥാനം ഒഴിയുകയാണെന്ന് പ്രഖ്യാപിച്ച് മഹേന്ദ്രസിങ് ധോണി. നായക സ്ഥാനം രവീന്ദ്ര ജഡേജക്ക് കൈമാറുകയാണെന്ന് ധോണി പ്രഖ്യാപിച്ചു. ചെന്നൈയുടെ നായകനാകുന്ന മൂന്നാമത്തെ മാത്രം കളിക്കാരനാണ് രവീന്ദ്ര ജഡേജ. 2012 ഒക്ടോബറില് ദക്ഷിണാഫ്രിക്കയില് നടന്ന ചാംപ്യന്സ് ലീഗില് ടീമിനെ നയിച്ച സുരേഷ് റെയ്നയാണ് ടീമിനെ നയിച്ച രണ്ടാമന്.
2008ല് ഐപിഎല്ലിലെ അരങ്ങേറ്റ സീസണ് മുതല് ചെന്നൈയുടെ നായകനായിരുന്നു ധോണി.ചെന്നൈയെ നാലു തവണ കിരീടത്തിലേക്ക് നയിച്ച ധോണി, രോഹിത് ശര്മക്കുശേഷം ഐപിഎല്ലില് ഏറ്റവും കൂടുതല് തവണ കിരീടം നേടിയ നായകനുമാണ്. ക്യാപ്റ്റന് സ്ഥാനം ഒഴിഞ്ഞെങ്കിലും കളിക്കാരനെന്ന നിലയില് ഈ സീസണിലും വരും സീസണിലും ധോണി ടീമിലുണ്ടാവുമെന്ന് ചെന്നൈ സൂപ്പര് കിംഗ്സ് വാര്ത്താക്കുറിപ്പില് വ്യക്തമാക്കി. 2012ല് ചെന്നൈ ടീമിന്റെ ഭാഗമായ രവീന്ദ്ര ജഡേജ തുടര്ന്നുള്ള സീസണുകളിലും അവരുടെ നിര്ണായക താരമായിരുന്നു.
2008ലെ ആദ്യ ഐപിഎല്ലില് നായകനായ ധോണിക്ക് കീഴില് ചെന്നൈ 204 മത്സരങ്ങള് കളിച്ചു. ഇതില് 121 എണ്ണത്തില് ചെന്നൈ ജയിച്ചു. വിജയശതമാനം 59.60.
Discussion about this post