തിരുവനന്തപുരം: ആറ്റുകാല് പൊങ്കാല കോവിഡ് പ്രോട്ടോക്കോള് പാലിച്ച് നടത്താന് തീരുമാനം.പൊതുനിരത്തുകളിലോ മറ്റ് പൊതുസ്ഥലങ്ങളിലോ പൊങ്കാലയിടാന് പാടില്ല. ക്ഷേത്ര വളപ്പിനുള്ളില് മാത്രമായി പൊങ്കാല പരിമിതപ്പെടുത്തും. ആളകള്ക്ക് സ്വന്തം വീടുകളില് പൊങ്കാലയിടാമെന്നും മന്ത്രി കടകംപള്ളി സുരേന്ദ്രന്റെ അധ്യക്ഷതയില് ചേര്ന്ന യോഗത്തില് തീരുമാനിച്ചു.
ശബരിമല മാതൃകയില് ഓണ്ലൈന് രജിസ്ട്രേഷനിലൂടെയായിരിക്കും ക്ഷേത്ര വളപ്പിലേക്കുള്ള പ്രവേശനം. പരമാവധി എത്ര പേരെ പ്രവേശിപ്പിക്കാമെന്ന കാര്യത്തില് പിന്നീട് തീരുമാനമെടുക്കും.
ഗ്രീന് പ്രോട്ടോക്കോളും കോവിഡ് നിയന്ത്രണങ്ങളും പാലിച്ചു കൊണ്ട് അന്നദാനം ഉണ്ടാകും. കുത്തിയോട്ടം, വിളക്കുകെട്ട്, താലപ്പൊലി തുടങ്ങിയ ചടങ്ങുകള് ഒഴിവാക്കുവാനും യോഗത്തില് തീരുമാനമായി.
Discussion about this post