കുമ്പളങ്ങി നൈറ്റ്സ് എന്ന ചിത്രത്തിലൂടെ പ്രേക്ഷകര്‍ക്ക് പരിചിതയായ നടിയാണ് അംബികാ റാവു. വൃക്കരോഗത്തിന് ചികിത്സയിലാണ് അംബികാ റാവു ഇപ്പോള്‍.നിരവധി സിനിമകളില്‍ സംവിധായകയായി പ്രവര്‍ത്തിച്ചിട്ടുള്ള അംബികയുടെ ചികിത്സയ്ക്ക് വന്‍ തുകയാണ് ആവശ്യമായി വരുന്നത്.
കോവിഡ് വന്ന് തൊഴിലവസരങ്ങള്‍ നഷ്ടമായതോടെയാണ് അംബിക റാവു ചികിത്സയ്ക്കായി പ്രതിസന്ധി നേരിട്ടത്. അംബികയെ സഹായിക്കണമെന്നഭ്യര്‍ഥിച്ച് അവരുടെ സുഹൃത്തുക്കളടക്കം നിരവധി പേര്‍ ഇതിനോടകം രംഗത്തെത്തുകയും ജോജു ജോര്‍ജ് അടക്കം സഹായം നല്‍കുകയും ചെയ്തു.
കുമ്പളങ്ങി നൈറ്റ്സിന് പുറമെ ലാല്‍ ജോസിന്റെ മീശ മാധവന്‍, അനുരാഗ കരിക്കിന്‍ വെള്ളം, വൈറസ് തുടങ്ങിയ ചിത്രങ്ങളിലും അംബിക വേഷമിട്ടിട്ടുണ്ട്. തൊമ്മനും മക്കളും, സാള്‍ട് ആന്റ് പെപ്പര്‍, രാജമാണിക്ക്യം, വെള്ളിനക്ഷത്രം എന്നീ ചിത്രങ്ങളില്‍ സഹസംവിധായികയായും പ്രവര്‍ത്തിച്ചിരുന്നു.
അക്കൗണ്ട് വിവരങ്ങള്‍:
Ambika Rao
SB a/c no.10626756268
Ifsc SBIN0016080
State Bank of India
Poonkunnam branch
Thrissur.
Discussion about this post