തിരുവനന്തപുരം: ബാര് കോഴ കേസില് പ്രതിപക്ഷ നേതാവ് രമേശ് ചെന്നിത്തല, മുന്മന്ത്രിമാരായ വിഎസ് ശിവകുമാര്, കെ.ബാബു എന്നിവര്ക്കെതിരെ വിജിലന്സ് അന്വേഷണത്തിന് സര്ക്കാര് തീരുമാനം. ബിജു രമേശിന്റെ പുതിയ വെളിപ്പെടുത്തലിന്റെ അടിസ്ഥാനത്തിലാണ് അന്വേഷണത്തിന് സര്ക്കാര് നീങ്ങുന്നത്.
ബാര് കോഴക്കേസില് മാണിക്കും ബാബുവിനുമെതിരെയായിരുന്നു വിജിലന്സിന്റെ അന്വേഷണം. ബിജു രമേശിന്റെ പുതിയ വെളിപ്പെടുത്തലില് പ്രാഥമിക അന്വേഷണം നടത്തിയ വിജിലന്സ് കേസെടുത്ത് അന്വേഷിക്കണമെന്ന റിപ്പോര്ട്ടാണ് സര്ക്കാരിന് നല്കിയത്. മുഖ്യമന്ത്രി അനുമതി നല്കിയെങ്കിലും പ്രതിപക്ഷനേതാവിനും മുന്മന്ത്രിമാര്ക്കുമെതിരായ അന്വേഷണത്തിന് ഉത്തരവിറക്കാന് ഗവര്ണറുടെയും സ്പീക്കറുടെയും അനുമതി കൂടി വേണം.
നേരത്തെ വിജിലന്സിന്റെ ക്വിക്ക് വെരിഫിക്കേഷന് കഴിഞ്ഞ് തുടരന്വേഷണത്തിനുള്ള ഫയല് മുഖ്യമന്ത്രിയുടെ അനുമതിക്കായി നല്കിയതാണ്. എന്നാല് ജനപ്രതിനിധികളായതിനാലും ഇവര്ക്കെതിരേ നേരത്തെ തന്നെ അന്വേഷണം നടന്നതിനാലും ഗവര്ണറുടെയും സ്പീക്കറുടെയും അനുമതിയോടെ മാത്രമേ സര്ക്കാരിന് അടുത്ത നടപടിയിലേക്ക് കടക്കാന് സാധിക്കൂ.
Discussion about this post