കൊച്ചി: നടിയെ അക്രമിച്ച കേസില് വിചാരണ താത്കാലികമായി നിര്ത്തിവെക്കാന് ഹൈക്കോടതി ഉത്തരവ്. വെള്ളിയാഴ്ച വരെ വിചാരണ നിര്ത്തിവെക്കാനാണ് നിര്ദേശം.
വിചാരണക്കോടതി ജഡ്ജിക്കെതിരെ സര്ക്കാരും നടിയും ഹൈക്കോടതിയില് രംഗത്തെത്തി. ആക്രമിക്കപ്പെട്ട നടിയുടെയും മഞ്ജു വാര്യരുടെയും മൊഴി രേഖപ്പെടുത്തുന്നതില് വിചാരണക്കോടതിക്ക് വീഴ്ച സംഭവിച്ചതായി സര്ക്കാര് ഹൈക്കോടതിയില് അറിയിച്ചു.
ജഡ്ജിക്കെതിരെ ഗുരുതര ആരോപണവുമായി സംസ്ഥാന സര്ക്കാര് നേരത്തെ രംഗത്തു വന്നിരുന്നു. കേസിന്റെ വിചാരണ നിലവിലെ കോടതിയില് നിന്ന് മാറ്റണമെന്നാവശ്യപ്പെട്ട് ഹൈക്കോടതിയില് സമര്പ്പിച്ച സത്യവാങ്മൂലത്തിലാണ് മൊഴി രേഖപ്പെടുത്തുന്നതില് വീഴ്ച പറ്റിയെന്നതടക്കമുള്ള ആരോപണങ്ങള് സര്ക്കാര് ഉന്നയിച്ചിരിക്കുന്നത്.
മകളെ ഉപയോഗിച്ച് സ്വാധീനിക്കാന് ശ്രമിച്ചുവെന്ന മഞ്ജുവിന്റെ മൊഴി രേഖപ്പെടുത്തിയില്ല. നടിയെ വകവരുത്തും എന്ന മൊഴിയും രേഖപ്പെടുത്തിയില്ല. നടി പറഞ്ഞ മറ്റു ചില കാര്യങ്ങളും രേഖപ്പെടുത്തിയില്ലെന്നും സത്യവാങ്മൂലത്തില് വ്യക്തമാക്കുന്നു.
ആക്രമണത്തിനിരയായ നടിയാണ് വിചാരണ കോടതി മാറ്റം ആവശ്യപ്പെട്ട് ഹൈക്കോടതിയെ സമീപിച്ചത്. ഇതിനെ അനുകൂലിച്ചുകൊണ്ടാണ് സര്ക്കാരിന്റെ സത്യവാങ്മൂലം.
Discussion about this post