പാലക്കാട്: വാളയാര് പെണ്കുട്ടികളുടെ അമ്മ ഇപ്പോള് എന്തിനാണ് സമരം ചെയ്യുന്നതെന്ന് മനസ്സിലാകുന്നില്ലെന്ന് മന്ത്രി എ.കെ ബാലന്. വാളയാര് കേസിലെ ജുഡീഷ്യല് കമ്മീഷന് റിപ്പോര്ട്ടിന്മേല് സര്ക്കാര് നടപടികള് പുരോഗമിക്കുകയാണ്. ആരെങ്കിലും കുടുംബത്തെ തെറ്റിദ്ധരിപ്പിക്കുന്നതാണോ എന്ന് അറിയില്ലെന്നും മന്ത്രി പറഞ്ഞു.
സര്ക്കാര് കുടുംബത്തിനൊപ്പമാണ്. കോടതിയുടെ മുന്പിലാണ് ഈ പ്രശ്നം ഇപ്പോള് ഉള്ളത്. കോടതിയുടെ മുന്പിലുള്ള പ്രശ്നത്തില് ഇപ്പോള് എന്തിനാണ് സമരമെന്ന് എനിക്ക് മനസ്സിലാകുന്നില്ല. സര്ക്കാരിനും മനസ്സിലാകുന്നില്ല. ആരെങ്കിലും തെറ്റിദ്ധരിപ്പിച്ചിട്ടുള്ളതാണെങ്കില് ഇപ്പോഴെങ്കിലും അവര് അതില്നിന്ന് മാറണമെന്നാണ് തനിക്ക് അഭ്യര്ഥിക്കാനുള്ളതെന്നും മന്ത്രി കൂട്ടിച്ചേര്ത്തു.
വാളയാര് കേസില് പ്രതികളെ വെറുതെവിട്ടിട്ട് ഒരു വര്ഷം തികയുന്ന ദിവസമാണ് ‘വിധിദിനം മുതല് ചതിദിനം വരെ’ എന്ന പേരില് പെണ്കുട്ടികളുടെ അമ്മ സമരം തുടങ്ങിയിരിക്കുന്നത്. വീട്ടുമുറ്റത്താണ് അമ്മ സമരം നടത്തുന്നത്.
Discussion about this post