ഓസ്ലോ: 2020ലെ സമാധാനത്തിനുള്ള നൊബേല് പുരസ്കാരം ഐക്യരാഷ്ട്രസംഘടനയ്ക്ക് കീഴിലെ വേള്ഡ് ഫുഡ് പ്രോഗ്രാമിന് (ഡബ്ല്യു.എഫ്.പി). പട്ടിണിയെ നേരിടാനുള്ള ശ്രമങ്ങള്ക്കാണ് പുരസ്കാരം. പട്ടിണിയെ യുദ്ധത്തിന്റെയും സംഘര്ഷത്തിന്റെയും ആയുധമായി ഉപയോഗിക്കുന്നത് തടയാനുള്ള ശ്രമങ്ങളില് ഒരു പ്രേരകശക്തിയായി ഡബ്ല്യു.എഫ്.പി പ്രവര്ത്തിച്ചുവെന്നും നൊബേല് പുരസ്കാര സമിതി പറഞ്ഞു.
ദാരിദ്ര്യനിര്മാര്ജനത്തിനായി ഐക്യരാഷ്ട്രസഭയുടെ കീഴില് പ്രവര്ത്തിക്കുന്ന ഭക്ഷ്യസുരക്ഷാ മേഖലയിലെ ഏറ്റവും വലിയ സംഘടനയാണിത്. 88 രാജ്യങ്ങളിലെ 10 കോടി ജനങ്ങള്ക്ക് ഭക്ഷ്യ സഹായം സംഘടന നല്കിയിട്ടുണ്ട്. 1963ല് സ്ഥാപിതമായ സംഘടനയുടെ ആസ്ഥാനം റോം ആണ്.
Discussion about this post