ലക്നൗ: ബാബറി മസ്ജിദ് കേസില് മുഴുവന് പ്രതികളെയും വെറുതെ വിട്ടു. എല്.കെ.അദ്വാനി, മുരളീ മനോഹര് ജോഷി ഉള്പ്പെടെ 32 പ്രതികളെയാണ് ലക്നൗവിലെ പ്രത്യേക സിബിഐ കോടതി വെറുതെ വിട്ടത്.
മസ്ജിദ് തകര്ത്തത് മുന്കൂട്ടി ആസൂത്രണം നടത്തിയാണെന്നതിന് തെളിവില്ലെന്നാണ് കോടതിയുടെ പ്രധാന കണ്ടെത്തല്. സിബിഐ മുന്നോട്ട് വച്ച വാദങ്ങളെല്ലാം തള്ളിയാണ് ലക്നൗ സിബിഐ കോടതിയുടെ നിര്ണായക വിധി. ലക്നൗവിലെ പ്രത്യേക സിബിഐ കോടതി ജഡ്ജി എസ്കെ യാദവ് ആണ് 2000 പേജുള്ള വിധി പ്രസ്താവിച്ചത്. പള്ളി തകര്ത്തത് പെട്ടെന്നുണ്ടായ വികാരത്തിലാണെന്നും അക്രമം കാട്ടിയത് സാമൂഹ്യ വിരുദ്ധരാണെന്നും ജനക്കൂട്ടത്തെ തടയാനാണ് അദ്വാനിയും ജോഷിയും ശ്രമിച്ചതെന്നും കോടതി ചൂണ്ടിക്കാട്ടി.
1992 ഡിസംബര് ആറിന് അയോധ്യ പോലീസ് സ്റ്റേഷനില് രജിസ്റ്റര് ചെയ്ത ക്രൈം നമ്പര് 197 / 1992 , ക്രൈം നമ്പര് 198/1992 എന്നീ കേസുകളിലെ വിധിയാണ് ഇന്ന് കോടതി വിധിപറഞ്ഞത്.
Discussion about this post