ന്യൂഡല്ഹി: രാജ്യസഭയില് പ്രതിഷേധിച്ച എട്ട് എംപിമാരെ സസ്പെന്ഡ് ചെയ്തു. കേരള എംപിമാരായ കെ.കെ രാഗേഷും എളമരം കരീമും ഉള്പ്പടെ കഴിഞ്ഞ ദിവസം കാര്ഷിക ബില്ല് ചര്ച്ചയ്ക്കിടെ പ്രതിഷേധിച്ചവര്ക്കാണ് സസ്പെന്ഷന്. ബിജെപി എംപിമാര് നല്കിയ പരാതിയിലാണ് രാജ്യസഭാ അധ്യക്ഷന് വെങ്കയ്യ നായിഡു നടപടിയെടുത്തത്.
കെ.കെ.രാഗേഷ്, സഞ്ജയ് സിങ്, രാജീവ് സത്വ, ഡെറിക് ഒബ്രിയാന്, റിപ്പുന് ബോര, ദോള സെന്, സെയ്ദ് നാസര് ഹുസ്സൈന്, എളമരം കരീം എന്നീ എട്ട് എംപിമാരെ ഒരാഴ്ചത്തേക്കാണ് സസ്പെന്ഡ് ചെയ്തിരിക്കുന്നത്. തൃണമൂല് കോണ്ഗ്രസ് അംഗം ഡെറിക് ഒബ്രിയാനോട് സഭ ചേര്ന്നയുടന് തന്നെ വെങ്കയ്യ നായിഡു പുറത്ത് പോകാന് ആവശ്യപ്പെട്ടു. അധ്യക്ഷവേദിയിലെ മൈക്ക് പിടിച്ചുവലിക്കുകയും സഭയുടെ റൂള്ബുക്ക് കീറിയെറിയുകയും ചെയ്തതിനാണ് ഡെറിക് ഒബ്രിയാനേ സസ്പെന്ഡ് ചെയ്തത്.
സസ്പെന്ഡ് ചെയ്ത എംപിമാര് സഭയില് നിന്ന് പുറത്തുപോകാന് വിസമ്മതിച്ച് പ്രതിഷേധിച്ചതോടെ സഭ പത്തു മണി വരെ നിര്ത്തിവെച്ചു.സഭയില് ഇന്നലെ നടന്ന കാര്യങ്ങള് നിര്ഭാഗ്യകരമാണെന്ന് വെങ്കയ്യ നായിഡു പറഞ്ഞു.
Discussion about this post