ട്രാഫിക് നിയമലംഘനങ്ങൾക്ക്‌ പിഴയൊടുക്കാൻ പുതിയ സംവിധാനവുമായി കേരള പോലീസ്. ട്രാഫിക് നിയമ ലംഘനങ്ങള്‍ക്ക് പിഴ ഒടുക്കാനായി ഇ – ചെല്ലാന്‍ സംവിധാനമാണ് കേരള പോലീസ് ഒരുക്കിയിരിക്കുന്നത് .
വാഹനം പരിശോധിച്ച് നാഷണല്‍ വെഹിക്കിള്‍ ഡേറ്റാബേസുമായി (പരിവാഹന്‍) ബന്ധപ്പെടുത്തിയ ശേഷം ഇ -ചെല്ലാന്‍ പിഒഎസ് ഡിവൈസ് വഴി പിഴ നല്‍കുന്നതിനുള്ള സംവിധാനമാണ് ഒരുങ്ങുന്നത്.
വാഹനത്തിന്റെ / ലൈസന്‍സിയുടെ മുന്‍കാല പിഴ പരിശോധിച്ചറിയുവാനും തത്സമയം തന്നെ ക്രെഡിറ്റ് / ഡെബിറ്റ് കാര്‍ഡ് / ഇന്റര്‍നെറ്റ് ബാങ്കിംഗ് / കാഷ് പേയ്മെന്റ് എന്നിവ വഴി പിഴ അടയ്ക്കാനുമുള്ള സംവിധാനമാണ് ഒരുക്കിയിട്ടുള്ളത്.
ഇ – ചെല്ലാന്‍ സംവിധാനം ഈ മാസം 22ന് തുടക്കമാകും. പ്രാരംഭഘട്ടത്തില്‍ തിരുവനന്തപുരം, കൊല്ലം കൊച്ചി, തൃശൂര്‍, കോഴിക്കോട് എന്നീ നഗരങ്ങളിലാണ് ഈ പദ്ധതി നടപ്പിലാക്കുക.
Discussion about this post