കൊച്ചി: മന്ത്രി കെ ടി ജലീല് ചോദ്യം ചെയ്യലിനായി എന്ഐഎ ഓഫീസിലെത്തി. ആലുവ മുന് എംഎല്എ എ എം യൂസഫിന്റെ കാറില് പുലര്ച്ചെ ആറ് മണിയോടെയാണ് ജലീല് എന്ഐഎ ഓഫീസിലെത്തിയത്.
മതഗ്രന്ഥത്തിന്റെ മറവില് നയതന്ത്ര ചാനലിലൂടെ സ്വര്ണം കടത്തിയിട്ടുണ്ടെന്ന സംശയത്തിന്റെ അടിസ്ഥാനത്തിലാണ് എന്ഐഎ മന്ത്രിയില് നിന്ന് മൊഴിയെടുക്കുന്നത്.
കഴിഞ്ഞ ദിവസം ലഭിച്ച നോട്ടീസിന്റെ അടിസ്ഥാനത്തിലാണ് മന്ത്രി എന്ഐഎ ഓഫീസില് എത്തിയിരിക്കുന്നത്. ജലീലിനെ ചോദ്യം ചെയ്യുന്നതിന്റെ പശ്ചാത്തലത്തില് എന്ഐഎ ഓഫീസിന് മുന്നില് വന് പൊലീസ് സംഘത്തെയാണ് വിന്യസിച്ചിരിക്കുന്നത്. ഡിസിപി പൂങ്കുഴലിയുടെ നേതൃത്വത്തിലുള്ള സംഘമാണ് സ്ഥലത്തെത്തിയിരിക്കുന്നത്.
Discussion about this post