സ്ഥിര നിക്ഷേപങ്ങൾക്കുള്ള പലിശ നിരക്കിൽ കുറവ് വരുത്തി എസ്ബിഐ

സ്ഥിര നിക്ഷേപത്തിന് ഈടാക്കുന്ന പലിശ നിരക്കിൽ കുറവു വരുത്തി എസ്ബിഐ. രണ്ടു വർഷം വരെയുള്ള നിക്ഷേപങ്ങൾക്ക് 20 ബേസിസ് പോയന്റിന്റെ കുറവാണ് വരുത്തിയിരിക്കുന്നത്.

കഴിഞ്ഞ മെയ് 27നും എസ്ബിഐ നിക്ഷേപ പലിശ നിരക്ക് കുറച്ചിരുന്നു. പുതിയ നിരക്കുകൾ അനുസരിച്ച്
7 മുതൽ 45 ദിവസം വരെയുള്ളതിന് 2.9ശതമാനവും
46 മുതൽ 179 ദിവസം വരെയുള്ളതിന് 3.9ശതമാനവുമാണ്‌.

180 മുതൽ 210 ദിവസം വരെയുള്ളതിന് 4.4ശതമാനവും
211 മുതൽ 1 വർഷം വരെയുള്ളതിന് 4.4ശതമാനവും
ഒരു വർഷം മുതൽ രണ്ടു വർഷം വരെയുള്ളതിന് 4.9ശതമാനവുമാക്കി.

രണ്ടു വർഷം മുതൽ മൂന്നു വർഷം വരെയുള്ളതിന് 5.1 ശതമാനം,
മൂന്നു വർഷം മുതൽ അഞ്ചു വർഷം വരെയുള്ളതിന് 5.3ശതമാനം,
5 വർഷം മുതൽ 10വർഷം വരെയുള്ളതിന് 5.4ശതമാനം എന്നിങ്ങനെയാണ് പുതിയ നിരക്കുകൾ.

കൂടാതെ മുതിർന്ന പൗരന്മാർക്ക് അധികമായി അര ശതമാനം പലിശയും ലഭിക്കും. പുതുക്കിയ നിരക്കുകൾ സെപ്റ്റംബർ 10 ന് പ്രാബല്യത്തിൽ വന്നു.

മുതിർന്ന പൗരന്മാർക്കായി ഒരുക്കിയ എസ്ബിഐ-വി കെയർ നിക്ഷേപ പദ്ധതിയിൽ ചേരാനുള്ള സമയവും നീട്ടി. ഡിസംബർ 31വരെയാണ് കാലാവധി. ഇൗ പദ്ധതി പ്രകാരം അധികമായി 0.30ശതമാനം പലിശ മുതിർന്ന പൗരൻമാർക്ക് നൽകും.