തിരുവനന്തപുരം: സംസ്ഥാനത്ത് ജൂനിയര്‍ നഴ്‌സുമാര്‍ അനിശ്ചിതകാല സമരത്തിലേക്ക്. നാല് വര്‍ഷമായി ശമ്പള വര്‍ദ്ധിപ്പിക്കാത്തതില്‍ പ്രതിഷേധിച്ചാണ് സമരം. നാളെ മുതല്‍ സമരം തുടങ്ങാനാണ് തീരുമാനം. സംസ്ഥാനത്തെ ഏഴ് മെഡിക്കല്‍ കോളേജിലുള്ള 375 പേരാണ് അനിശ്ചിതകാല സമരം പ്രഖ്യാപിച്ചത്.
നിലവില്‍ 13,900 രൂപയാണ് ജൂനിയര്‍ നഴ്‌സുമാര്‍ക്ക് ലഭിക്കുന്ന ശമ്പളം. ഇത് 27,800 ആക്കണമെന്നാണ് ജൂനിയര്‍ നഴ്‌സുമാര്‍ ആവശ്യമുയര്‍ത്തിയിരിക്കുന്നത്. സ്റ്റാഫ് നഴ്‌സുമാരുടെ അടിസ്ഥാന വേതനം ജൂനിയര്‍ നഴ്‌സുമാര്‍ക്ക് ലഭ്യമാക്കണമെന്നാണ് ആവശ്യം.
കോവിഡ് ഡ്യൂട്ടി അടക്കം ചെയ്യുന്ന തങ്ങളെ ആരോഗ്യവകുപ്പ് പരിഗണിക്കുന്നില്ലെന്നും ജൂനിയര്‍ നഴ്‌സുമാര്‍ ആരോപിക്കുന്നു.
Discussion about this post