കര്‍ഷകരില്‍ നിന്ന് ഉൽപ്പന്നം വാങ്ങുന്ന വ്യാപാരികള്‍ക്ക് ഇനി മുതല്‍ പണം നല്‍കുന്നത് വൈകിപ്പിക്കാനാവില്ല. ഉൽപ്പന്നം വാങ്ങുന്ന ദിവസം തന്നെയോ അല്ലെങ്കില്‍ പരമാവധി 3 പ്രവര്‍ത്തി ദിവസത്തിനകമോ പണം നല്‍കണം. ജൂലൈ അവസാനത്തോടെ പുറത്തിറക്കിയ കേന്ദ്ര കൃഷി മന്ത്രാലയത്തിന്റെ ഉൽപ്പന്ന വ്യാപാര വാണിജ്യ ചട്ടങ്ങളിലാണ് ഈ വ്യവസ്ഥയുള്ളത്.
കാര്‍ഷിക സഹകരണ സംഘം,കര്‍ഷക ഉത്പാദക സംഘടന എന്നിവയിലാരാണോ ഉൽപ്പന്നം വാങ്ങുന്നത് അവര്‍ മറിച്ചു വില്‍പ്പന നടത്തിയ ഉടന്‍ തന്നെ പണം കര്‍ഷകന് നല്‍കാന്‍ ബാധ്യസ്ഥരാണ്.അല്ലെങ്കില്‍ കര്‍ഷകനില്‍ നിന്ന് ഉൽപ്പന്നം വാങ്ങി 14 ദിവസത്തിനകം പണമിടപാട് നടത്തുന്നുവെന്ന് ഉറപ്പാക്കേണ്ടതാണ്.
ഉൽപ്പന്നം വാങ്ങിയ സഹകരണ സംഘത്തിനോ ഉത്പാദന സംഘടനക്കോ ഉൽപന്നത്തിനു മെച്ചപ്പെട്ട വില നേടാന്‍ താമസം നേരിട്ടാല്‍ പരമാവധി 21 ദിവസത്തിനകം കര്‍ഷകന് പണം നല്‍കേണ്ടതാണ്.മറിച്ചു വില്‍പ്പന വൈകിപ്പിച്ചാല്‍ കര്‍ഷകനുമായി ഇതിനെ കുറിച്ച് ധാരണ ഉണ്ടാക്കേണ്ടതുമാണ്.
ശ്രദ്ധിക്കുക, വാങ്ങിയത് അസംസ്കൃത ഉൽപന്നമാണെങ്കില്‍ പരമാവധി 3 ദിവസത്തിനകം പണം നല്‍കണം.
ഉൽപന്നത്തെ സംബന്ധിച്ച് കര്‍ഷകരും വ്യാപാരിയും തമ്മില്‍ തര്‍ക്കമുണ്ടായാല്‍ 21 ദിവസത്തിനകം സബ്‌ഡിവിഷനല്‍ മജിസ്ട്രേറ്റിന് മുന്നില്‍ പരാതി നല്‍കാം.
30ദിവസത്തിനകം ഇതിനു നടപടിയുണ്ടാകും.
Discussion about this post