കൊച്ചി: നാളെ രാത്രി 11.30 വരെയുള്ള സമയത്ത് കേരള തീരത്ത് ഉയര്ന്ന തിരമാലയ്ക്ക് സാധ്യതയെന്ന് മുന്നറിയിപ്പ്. പൊഴിയൂര് മുതല് കാസര്ഗോഡ് വരെയുള്ള തീരത്ത് 3.5 മുതല് 3.8 മീറ്റര് വരെ ഉയരത്തില് തിരമാലയ്ക്ക് സാധ്യതയുണ്ടെന്നാണ് ദേശീയ സമുദ്ര സ്ഥിതി പഠന കേന്ദ്രം (INCOIS) അറിയിച്ചിരിക്കുന്നത്. തീരദേശവാസികള് ജാഗ്രത പാലിക്കണം.
കടലാക്രമണ ഭീഷണി രൂക്ഷമായ തീരമേഖലകളില് താമസിക്കുന്നവര് അധികൃതരുടെ നിര്ദേശങ്ങള് അനുസരിച്ച് മാറി താമസിക്കേണ്ടതാണ്. കോവിഡ് മാനദണ്ഡങ്ങള് അനുസരിച്ച് കൊണ്ടായിരിക്കണം ക്യാമ്പുകളില് താമസിക്കേണ്ടത്.
മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. മല്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കാനും നിര്ദേശമുണ്ട്.
Discussion about this post