തിരുവനന്തപുരം: സംസ്ഥാനത്ത് ഇന്ന് കോവിഡ് സ്ഥിരീകരിച്ചത് 600ലധികം പേര്ക്ക്. 608 പേര്ക്കാണ് ഇന്ന് കോവിഡ് സ്ഥിരീകരിച്ചതെന്ന് മുഖ്യമന്ത്രി പിണറായി വിജയന് പറഞ്ഞു. തിരുവനന്തപുരം ജില്ലയില് മാത്രം 201 പേര്ക്കാണ് ഇന്ന് കോവിഡ് രോഗം സ്ഥിരീകരിച്ചത്. ഇതുവരെയുള്ള ഏറ്റവും കൂടിയ കണക്കാണിത്. സൗദിയില് നിന്നും വന്ന ആലപ്പുഴ സ്വദേശിയായ പ്രവാസി ഇന്ന് കോവിഡ് ബാധിച്ച് മരിച്ചു. അതേസമയം 181 പേര് രോഗമുക്തി നേടി. ഹോട്സ്പോട്ടുകളുടെ എണ്ണം 227 ആയി.
396 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്. സമ്പര്ക്കരോഗബാധയുണ്ടായവരില് 26 പേരുടെ ഉറവിടം തിരിച്ചറിഞ്ഞിട്ടില്ല. ഇന്ന് രോഗം ബാധിച്ചവരില് 130 പേര് വിദേശത്ത് നിന്നും വന്നവരാണ്. 68 പേര് മറ്റ് സംസ്ഥാനങ്ങളില് നിന്നും. 8 ആരോഗ്യപ്രവര്ത്തകര്, ബിഎസ്എഫ് 2, ഐടിബിപി 2, സിഐഎസ്എഫ് 2 എന്നിവര്ക്കും രോഗം ബാധിച്ചു.
തിരുവനന്തപുരം 201, എറണാകുളം 70, മലപ്പുറം 58, കോഴിക്കോട് 58, കാസര്കോട് 44, തൃശൂര് 42, ആലപ്പുഴ 34, പാലക്കാട് 26, കോട്ടയം 25, കൊല്ലം 23, വയനാട് 12, കണ്ണൂര് 12, പത്തനംതിട്ട 3 എന്നിങ്ങനെയാണ് രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്കുകള്.
ഇതുവരെ 8930 പേര്ക്കാണ് രോഗം സ്ഥിരീകരിച്ചത്. നിലവില് ചികിത്സയിലുള്ളത് 4454 പേരാണ്. ആകെ 252302 സാമ്പിളുകള് പരിശോധനയ്ക്കായി അയച്ചു. 7745 സാമ്പിളുകളുടെ പരിശോധന ഫലം ലഭിച്ചിട്ടില്ല.
Discussion about this post