കൊച്ചി: താരങ്ങളുടെയും സാങ്കേതിക പ്രവര്‍ത്തകരുടെയും പ്രതിഫല വിഷയത്തില്‍ നിര്‍മാതാക്കളുമായി ചര്‍ച്ചയ്ക്കു തയ്യാറാണെന്ന് അമ്മയും ഫെഫ്കയും. ഇക്കാര്യം വ്യക്തമാക്കി നിര്‍മ്മാതാക്കളുടെ സംഘടനയ്ക്ക് ഇരുസംഘടനകളും കത്തയച്ചു.
ലോക്ഡൗണിനെ തുടര്‍ന്ന് പ്രതിസന്ധിയിലായ സിനിമാ മേഖല തിരിച്ചുവരണമെങ്കില്‍ താരങ്ങളും സാങ്കേതിക പ്രവര്‍ത്തകരും 25 മുതല്‍ 50 വരെ ശതമാനം പ്രതിഫലം കുറയ്ക്കണമെന്നായിരുന്നു നിര്‍മാതാക്കളുടെ ആവശ്യം.
സംഘടനയുടെ എക്സിക്യുട്ടീവ് യോഗം ചേര്‍ന്ന് വിഷയം ചര്‍ച്ചചെയ്യുമെന്ന് അമ്മ ജനറല്‍സെക്രട്ടറി ഇടവേള ബാബു പറഞ്ഞു. ചര്‍ച്ചചെയ്തെടുക്കുന്ന തീരുമാനമാകും നിര്‍മാതാക്കളെ അറിയിക്കുക. സംഘടനയുടെ കീഴിലുള്ള 19 സംഘടനകളുമായി ആലോചിച്ച് തീരുമാനമെടുക്കുമെന്ന് ഫെഫ്ക ജനറല്‍സെക്രട്ടറി ബി. ഉണ്ണിക്കൃഷ്ണനും പറഞ്ഞു.
Discussion about this post