ഒട്ടേറെ ഔഷധഗുണങ്ങളുള്ള സസ്യമാണ് ചക്കരക്കൊല്ലി. നമ്മുടെ നാട്ടിൽ മാത്രമല്ല ഉത്തരേന്ത്യയിലും ധാരാളമായി കണ്ടുവരുന്ന ഈ ഔഷധസസ്യം ആരോഗ്യഗുണങ്ങളുടെ കലവറയാണ്. ചക്കരക്കൊല്ലിയുടെ പ്രത്യേകത എന്താണെന്ന് വെച്ചാൽ ഇതിൻറെ ഇല ചവച്ചരച്ചിട്ട് മധുരം കഴിച്ചാൽ മധുരം അനുഭവപ്പെടില്ല എന്ന പ്രത്യേകതയുണ്ട്. കാരണം ഒട്ടേറെ പോഷകാംശങ്ങൾ ഇതിന്റെ ഇലയിൽ അടങ്ങിയിട്ടുണ്ട്.
രോഗപ്രതിരോധശേഷി വർദ്ധിപ്പിക്കുവാനും, പ്രമേഹം അകറ്റുവാനും ഇതിൻറെ ഇല പണ്ടുകാലം മുതലേ ഉപയോഗിക്കാറുണ്ട്. ചുമ കുറയ്ക്കുവാനും, പനി ഇല്ലാതാക്കുവാനും,തടി കുറയ്ക്കുവാനും ഇതിൻറെ ഇല ഉപയോഗപ്പെടുത്താം. ഇതിൻറെ ഇലകൾ ഉണക്കിപ്പൊടിച്ചും ഉപയോഗിക്കാറുണ്ട്. നമ്മുടെ നാട്ടിൽ പലയിടങ്ങളിലും ചക്കരക്കൊല്ലി കൃഷി ചെയ്യാറുണ്ട്.
അലങ്കാര സസ്യം എന്ന രീതിയിലും നമ്മുടെ വീട്ടുമുറ്റത്ത് ചക്കരകൊല്ലി വളർത്താം. വളരെ ചെറുതും മഞ്ഞ നിറത്തിൽ ബെല്ലാകൃതിയിൽ ഉള്ളതുമായ ഇതിൻറെ പൂക്കൾ വളരെ മനോഹരമാണ്. നമ്മുടെ വീട്ടുമുറ്റത്ത് ചക്കരക്കൊല്ലി നട്ടു പിടിപ്പിക്കുന്നത് ശുദ്ധ വായു ലഭിക്കുവാനും അത്യുത്തമമാണ്.
Discussion about this post