ബ്രഹ്മപുരം മാലിന്യ പ്ലാന്റിലെ തീ പിടുത്തവുമായി ബന്ധപ്പെട്ട് സംസ്ഥാന സര്ക്കാരിനെതിരെ രൂക്ഷ വിമര്ശനവുമായി ദേശീയ ഹരിത ട്രൈബ്യൂണല്. തീ പിടുത്തത്തിന്റെ പൂര്ണം ഉത്തരവാദിത്തം സര്ക്കാരിനാണെന്ന് പറഞ്ഞ ട്രൈബ്യൂണല് 500 കോടി രൂപ പിഴ ഈടാക്കുമെന്ന് മുന്നറിയിപ്പ് നല്കിയിട്ടുമുണ്ട്.
ഉത്തരവാദിത്തത്തില് നിന്ന് സംസ്ഥാന സര്ക്കാരിന് ഒഴിഞ്ഞുമാറാന് സാധിക്കില്ലെന്നും ട്രൈബ്യൂണല് ചൂണ്ടിക്കാട്ടി. ബ്രഹ്മപുരം വിഷയത്തില് സ്വമേധയാ എടുത്ത കേസിലാണ് ഹരിത ട്രൈബ്യൂണലിന്റെ രൂക്ഷ വിമര്ശനങ്ങള്. മാധ്യമ വാര്ത്തകളുടെ അടിസ്ഥാനത്തിലാണ് വിഷയത്തില് ട്രൈബ്യൂണല് കേസെടുത്തിരുന്നത്.
കേസുമായി ബന്ധപ്പെട്ട് ഇന്ന് അഡീഷണല് സെക്രട്ടറി വി. വേണു ഹാജരാകുകയും ചെയ്തിരുന്നു. 12 പേജുള്ള സത്യവാങ്മൂലമാണ് അദ്ദേഹം ട്രൈബ്യൂണലില് ഹാജരാക്കിയത്.
Discussion about this post