എസ്എന്ഡിപി ഭാരവാഹിയായിരുന്ന കെ.കെ മഹേശന്റെ മരണവുമായി ബന്ധപ്പെട്ട് വെള്ളാപ്പള്ളി നടേശനെയും മകന് തുഷാര് വെള്ളാപ്പള്ളിയെയും പ്രതി ചേര്ത്ത് കേസെടുക്കാന് പൊലീസിന് കോടതി നിര്ദേശം. ആലപ്പുഴ ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് നിര്ദേശം നല്കിയത്.
എസ്എന്ഡിപി കണിച്ചുകുളങ്ങര യൂണിയന് സെക്രട്ടറി ആയിരുന്ന കെ.കെ മഹേശന്റെ മരണവുമായി ബന്ധപ്പെട്ടുള്ളതാണ് കേസ്. എസ്എന്ഡിപി യോഗം ജനറല് സെക്രട്ടറിയാണ് വെള്ളാപ്പള്ളി നടേശന്, തുഷാര് വെള്ളാപ്പള്ളി എന്നിവര്ക്ക് പുറമേ കെ.എല് അശോകനും പ്രതി പട്ടികയിലുണ്ട്. മൂന്ന് പേര്ക്കുമെതിരെ ആത്മഹത്യാ പ്രേരണാ കുറ്റം ചുമത്തി കേസെടുക്കണമെന്നാണ് കെ.കെ മഹേശന്റെ കുടുംബം നല്കിയ ഹര്ജിയില് കോടതി ആവശ്യപ്പെട്ടത്.
കെ.കെ മഹേശന്റെ ആത്മഹത്യ കൊലപാതകത്തിന് സമാനമെന്ന് കുടുംബം ആരോപിക്കുന്നു. എന്നാല് സുഭാഷ് വാസുവടക്കമുള്ള എസ്എന്ഡിപിയുടെ ശത്രുക്കളാണ് മാനസികമായി പീഡിപ്പിച്ച് മഹേശനെ മരണത്തിലേക്ക് തള്ളിവിട്ടതെന്നാണ് വെള്ളാപ്പള്ളിയുടെ വാദം.
കേസില് സിബിഐ അന്വേഷണം വേണമെന്നാണ് വെള്ളാപ്പള്ളിയുടെ ആവശ്യം. 2020 ജൂലൈ 24 നാണ് കണിച്ചുകുളങ്ങരയിലെ എസ്എന്ഡിപി ഓഫീസിനകത്ത് കെ.കെ മഹേശനെ മരിച്ച നിലയില് കണ്ടെത്തിയത്.
Discussion about this post