പോപ്പുലര് ഫ്രണ്ട് നേതാക്കളുടേയും വീടുകളിലും സ്ഥാപനങ്ങളിലും നടത്തിയെ റെയ്ഡില് കണ്ടെടുത്ത ഹിറ്റ് ലിസ്റ്റില് പാല ബിഷപ്പ് ജോസഫ് കല്ലറങ്ങാട്ടിന്റെ പേരുമുണ്ടെന്ന് മാധ്യമങ്ങള് റിപ്പോര്ട്ട് ചെയ്തു. ലൗ ജിഹാദിനൊപ്പം നാര്ക്കോട്ടിക് ജിഹാദും നടക്കുന്നുവെന്ന് പാലാ ബിഷപ്പ് ജോസഫ് കല്ലറങ്ങാട്ട് പള്ളിയില് പ്രസംഗിച്ചത് വലിയ വിവാദമായിരുന്നു. ഇതോടെയാണ് പാലാ ബിഷപ്പിനെ പോപ്പുലര് ഫ്രണ്ട് ലക്ഷ്യംവച്ചത്.
പോപ്പുലര് ഫ്രണ്ട് നേതാക്കളുടെ വീടുകളിളും സ്ഥാപനങ്ങളിലും കഴിഞ്ഞ ദിവസങ്ങളില് എന്.ഐ.എ നടത്തിയ റെയ്ഡില് പിടിച്ചെടുത്തത് ഹിറ്റ് ലിസ്റ്റ് അടക്കം ഞെട്ടിക്കുന്ന വിവരങ്ങളായിരുന്നു. എന്ഐഎ അറസ്റ്റ് ചെയ്ത പതിനൊന്ന് പിഎഫ്ഐ നേതാക്കളേയും കസ്റ്റഡിയില് വേണമെന്നും നാട് രക്തത്തില് മുങ്ങാതിരിക്കാന് തുടരന്വേഷണം അനിവാര്യമെന്നും കോടതിയില് എന്ഐഎ അറിയിച്ചതിനൊപ്പം നല്കിയ വിവരങ്ങളിലാണ് ഹിറ്റ് ലിസ്റ്റും ഉള്പ്പെട്ടത്.
മുമ്പ് ആലപ്പുഴയിലും പാലക്കാടും നടന്ന കൊലപാതകത്തിന് ശേഷം കേരള പോലീസിനും പോപ്പുലര് ഫ്രണ്ടിന്റെ ഹിറ്റ് ലിസ്റ്റ് സംബന്ധിച്ച് വിവരം ലഭിച്ചിരുന്നു. ഹിറ്റ് ലിസ്റ്റ് തയ്യാറാക്കിയവരെ കുറിച്ചും ഇതിന് പിന്നില് പ്രവര്ത്തിച്ചവരെ കുറിച്ചും കൂടുതല് അന്വേഷണം നടത്തേണ്ടതുണ്ടെന്നാണ് എന്.ഐ.എ വ്യക്തമാക്കിയരുന്നു.
കുറവിലങ്ങാട് പള്ളിയിലെ തിരുനാളുമായി ബന്ധപ്പെട്ടുള്ള പ്രസംഗത്തിലാണ് പാലാ ബിഷപ്പ് നര്ക്കോട്ടിക് ജിഹാദ് പരാമര്ശം നടത്തിയത്. കത്തോലിക്ക യുവാക്കളില് മയക്കുമരുന്ന് ഉപയോഗം വ്യാപകമാക്കാന് പ്രത്യേകം ശ്രമങ്ങള് നടക്കുന്നുണ്ടെന്നും ബിഷപ്പ് ജോസഫ് കല്ലറങ്ങാട്ട് ആരോപിച്ചു.
Discussion about this post