ആലപ്പുഴ: ആലപ്പുഴയില്‍ അജ്ഞാത വാഹനം ഇടിച്ച് കാല്‍നടയാത്രക്കാരന്‍ മരിച്ചു. ചുനക്കര തെക്ക് കൊയ്പ്പള്ളി ഹൗസില്‍ ശിവന്‍കുട്ടി (79) യാണ് മരിച്ചത്. കഴിഞ്ഞ ദിവസം വൈകിട്ട് നാലരയോടെയായിരുന്നു സംഭവം. അമിത വേഗത്തിലെത്തിയ ടെമ്പോയാണ് വാഹനം ഇടിച്ചതെന്നാണ് സംശയം.
റോഡരികിലൂടെ നടന്നു പോകുകയായിരുന്ന ശിവന്‍കുട്ടിയെ അമിത വേഗതയിലെത്തിയ വാഹനം ഇടിച്ചിടുകയായിരുന്നു. ചുനക്കര പത്തിശ്ശേരില്‍ ക്ഷേത്രത്തിനു സമീപം വച്ചായിരുന്നു അപകടം. ഗുരുതരമായി പരിക്കേറ്റ് റോഡില്‍ കിടന്ന ശിവന്‍കുട്ടിയെ വണ്ടാനം മെഡിക്കല്‍ കോളേജില്‍ എത്തിച്ചെങ്കിലും മരണം സംഭവിക്കുകയായിരുന്നു.
Discussion about this post