നവാഗതയായ ഇന്ദു വി.എസ് സംവിധാനം ചെയ്ത് വിജയ് സേതുപതി നായകാനായെത്തുന്ന സിനിമയാണ് 19(1)(എ). സിനിമയുടെ ടീസർ റിലീസ് ചെയ്തു. വിജയ് സേതുപതി ആദ്യമായി നായക വേഷം കൈകാര്യം ചെയ്യുന്ന മലയാള ചിത്രമാണിതെന്ന പ്രത്യേകത കൂടിയുണ്ട്
58 സെക്കന്റുകൾ ദൈർഘ്യമുള്ള ടീസറാണ് ഡിസ്നി പ്ലസ് ഹോട്ട്സ്റ്റാർ മലയാളം എന്ന യൂട്യുബ് ചാനലിലൂടെ നിലവിൽ പുറത്ത് വിട്ടിരിക്കുന്നത്. നിത്യാ മേനോനാണ് നായിക. ചിത്രത്തിന്റെ തിരക്കഥ എഴുതിയിരിക്കുന്നത് സംവിധായിക ഇന്ദു വി.എസ് തന്നെയാണ്. ഇന്ദ്രൻസ്, ഇന്ദ്രജിത്ത് എന്നിവരും സിനിമയിലുണ്ട്.ചിത്രം ഡിസ്നി പ്ലസ് ഹോട്ടസ്റ്റാർ വഴിയാണ് റിലീസ് ചെയ്യുന്നത്. റിലീസ് തിയതി പുറത്തുവിട്ടിട്ടില്ല. ആന്റോ ജോസഫാണ് പ്രൊഡ്യൂസർ. ഗോവിന്ദ് വസന്തയാണ് സംഗീത സംവിധാനം. മനേഷ് മാധവനാണ് ഛായാഗ്രഹണം. വിജയ് ശങ്കറാണ് എഡിറ്റിങ് നിർവഹിക്കുന്നത്.
Discussion about this post