കോഴിക്കോട്: നികുതി അടയ്ക്കാത്തതിനാല് ഇന്ഡിഗോ എയര്ലൈന്സിന്റെ ബസ്, മോട്ടോര് വാഹന വകുപ്പ് പിടിച്ചെടുത്തു. രാമനാട്ടുകരയില് നിന്നാണ് ബസ് കസ്റ്റഡിയിലെടുത്തത്. വിമാനത്താവളത്തില് യാത്രക്കാര്ക്ക് സഞ്ചരിക്കാന് ഉപയോഗിച്ചിരുന്ന ബസാണിത്.
അറ്റകുറ്റപ്പണിക്ക് കൊണ്ടുവന്ന ബസ് ഫറോക്ക് ചുങ്കത്തെ വര്ക്ക്ഷോപ്പില് നിന്നാണ് പിടിച്ചെടുത്തത്.ആറ് മാസത്തെ നികുതി കുടിശ്ശികയാണ് അടയ്ക്കാനുള്ളത്. കുടിശികയുള്ള നികുതിയും അതിന്റെ പിഴയും അടച്ചാല് മാത്രമേ വാഹനം വിട്ടുനല്കൂവെന്നാണ് മോട്ടോര് വാഹന വകുപ്പ് അറിയിച്ചിരിക്കുന്നത്. പിഴയും നികുതിയും ഉള്പ്പെടെ നാല്പതിനായിരത്തോളം രൂപയാണ് ഇന്ഡിഗോ അടക്കേണ്ടത്.
നിലവിലെ രാഷ്ട്രീയ സാഹചര്യങ്ങളുമായി ഇപ്പോഴത്തെ നടപടിക്ക് ബന്ധമില്ലെന്നും എയര്പോര്ട്ടിലായതിനാല് ഇതുവരെ ബസ് കസ്റ്റഡയില് എടുക്കാന് കഴിഞ്ഞിരുന്നില്ലെന്നും ഇന്ന് പുറത്തിറക്കിയപ്പോള് പിടിച്ചെടുക്കുകയായിരുന്നെന്നുമാണ് മോട്ടോര് വാഹനവകുപ്പിന്റെ വിശദീകരണം
Discussion about this post