ന്യൂസീലന്ഡ് പൊലീസിലെ ആദ്യ മലയാളി വനിതാ പോലീസ് ഓഫീസറായി പാലാക്കാരി സ്വദേശി അലീനാ അഭിലാഷ്. ഓക്ലന്ഡിലാണ് കോണ്സ്റ്റബിള് റാങ്കിലുള്ള ആദ്യ നിയമനം. കഴിഞ്ഞ ദിവസം വെല്ലിങ്ടണില് വെച്ചായിരുന്നു അലീനയുടെ ബിരുദദാന ചടങ്ങ്. റോയല് ന്യൂസീലന്ഡ് പോലീസ് കോളജിലാണ് അലീന പരിശീലനം പൂര്ത്തിയാക്കിയത്.
പാമര്സ്റ്റണ് നോര്ത്തില് സ്ഥിര താമസമാക്കിയവരാണ് അലീനയും കുടുംബവും. ഉള്ളനാട് പുളിക്കല് അഭിലാഷ് സെബാസ്റ്റ്യന് പിഴക് പുറവക്കാട്ട് ബോബി ദമ്പതികളുടെ മകളാണ് അലീന.
പാലായിലാണ് ആറാം ക്ലാസുവരെ അലീന പഠിച്ചത്. പിന്നീട് മാതാപിതാക്കള്ക്കൊപ്പം ന്യൂസീലന്ഡിലേക്ക് കുടിയേറുകയായിരുന്നു. ഒട്ടാഗോ യൂണിവേഴ്സിറ്റിയില് സൈക്കോളജിയും ക്രിമിനോളജിയും പഠിച്ച ശേഷമാണ് പോലീസില് ചേര്ന്നത്. അലീനയുടെ ആഗ്രഹപ്രകാരം തന്നെയായിരുന്നു പഠനം. ഈ സമൂഹത്തിന് വേണ്ടി എന്തെങ്കിലും ചെയ്യണമെന്നും അതിന് സാധ്യമാകുന്ന ഒരു തൊഴില്മേഖല സ്വീകരിക്കണമെന്നുമായിരുന്നു ആഗ്രഹം. അതുകൊണ്ട് തന്നെയാണ് പൊലീസില് ചേരാന് തീരുമാനിച്ചത്.
Discussion about this post