റിയാദ്: സൗദിയില് കൊവിഡ് നിയന്ത്രണങ്ങള് പിന്വലിച്ചു. അടച്ചിട്ട ഇടങ്ങളില് ഇനി മാസ്ക് നിര്ബന്ധമല്ലെന്ന് ആഭ്യന്തര മന്ത്രാലയത്തെ ഉദ്ധരിച്ച് ഔദ്യോഗിക വാര്ത്താ ഏജന്സിയായ എസ്.പി.എ റിപ്പോര്ട്ട് ചെയ്തു. എന്നാല് മക്ക, മദീന പള്ളികളില് മാസ്ക് ആവശ്യമാണ്.
സ്ഥാപനങ്ങള്, വിനോദ പരിപാടികള്, പൊതുപരിപാടികള്, വിമാനങ്ങള്, പൊതുഗതാഗതം എന്നിവയില് പ്രവേശിക്കുന്നതിന് ഇനി വാക്സിനേഷന് തെളിവ് ആവശ്യമില്ല. അതേസമയം, പ്രതിരോധ നടപടികള് തുടരാന് ആഗ്രഹിക്കുന്ന ആശുപത്രികള്, പൊതു പരിപാടികള്, വിമാനങ്ങള്, പൊതുഗതാഗതം എന്നിവക്ക് മാസ്ക് ധരിക്കണമെന്ന് ആവശ്യപ്പെടാമെന്ന് സൗദി പ്രസ് ഏജന്സി അറിയിച്ചു.
വൈറസില്നിന്ന് സ്വയം പരിരക്ഷിക്കുന്നതിന് മൂന്നാമത്തെ ബൂസ്റ്റര് ഷോട്ട് എടുക്കാന് ആളുകളെ പ്രോത്സാഹിപ്പിക്കുന്നത് തുടരുമെന്ന് മന്ത്രാലയം അറിയിച്ചു.
Discussion about this post