റിയാദ്: ചൂട് കൂടിയ സാഹചര്യത്തില് സൗദി അറേബ്യയില് മധ്യാഹ്ന ജോലിയ്ക്ക് കര്ശന നിയന്ത്രണം. ഉച്ചക്ക് 12 മണി മുതല് മൂന്ന് മണി വരെ ജോലി ചെയ്യുന്നതില് നിയന്ത്രണം എര്പ്പെടുത്തി മാനവ വിഭവശേഷി സാമൂഹിക വികസന മന്ത്രാലയം ഉത്തരവിറക്കി. ജൂണ് 15 മുതല് സെപ്റ്റംബര് 15 വരെയാണ് നിയന്ത്രണം. സ്വകാര്യ മേഖലയിലെ സ്ഥാപനങ്ങളുള്പ്പെടെ ഉച്ചയ്ക്ക് 12 മണി മുതല് മൂന്ന് മണി വരെ സൂര്യ താപമേറ്റ് ജോലി ചെയ്യുന്നതാണ് നിരോധിച്ചിരിക്കുന്നത്.
തൊഴില് സംബന്ധമായ രോഗങ്ങളും പരിക്കുകളും കുറയ്ക്കാനും ജീവനക്കാരുടെ ഉല്പാദനക്ഷമത വര്ധിപ്പിക്കാനും ഉത്തരവിനനുസരിച്ച് തൊഴില് സമയം ക്രമീകരിക്കണമെന്നും ഉത്തരവിലെ വ്യവസ്ഥകള് പാലിക്കണമെന്നും മന്ത്രാലയം തൊഴിലുടമകളോട് ആവശ്യപ്പെട്ടു.
Discussion about this post