തിരുവനന്തപുരം: വിദ്വേഷ പ്രസംഗക്കേസില് പി.സി.ജോര്ജിന്റെ മുന്കൂര് ജാമ്യം റദ്ദാക്കി. പ്രോസിക്യൂഷന് സമര്പ്പിച്ച ഹര്ജി അംഗീകരിച്ച് തിരുവനന്തപുരം ഫസ്റ്റ് ക്ലാസ് കോടതിയുടേതാണ് നടപടി. ജാമ്യവ്യവസ്ഥകള് ലംഘിച്ചെന്ന പ്രോസിക്യൂഷന് വാദം കോടതി അംഗീകരിക്കുകയായിരുന്നു. അന്വേഷണത്തിന്റെ ഭാഗമായി ഫോര്ട്ട് അസിസ്റ്റന്റ് കമ്മിഷണര്ക്ക് പി.സി.ജോര്ജിനെ അറസ്റ്റ് ചെയ്യാനുള്ള സ്വാതന്ത്ര്യം ഉണ്ടെന്നും കോടതി വ്യക്തമാക്കി. അനന്തപുരി ഹിന്ദുമഹാ സമ്മേളനത്തിനിടെ മതവിദ്വേഷ പ്രസംഗം നടത്തിയതിനാണ് കേസ്.
വെണ്ണലയില് മതവിദ്വേഷ പ്രസംഗം നടത്തിയെന്ന കേസില് ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ടുള്ള പാലാരിവട്ടം പൊലീസിന്റെ നോട്ടിസ് പി.സി.ജോര്ജ് ഇന്ന് കൈപ്പറ്റിയിരുന്നു.
പി.സി.ജോര്ജ് വിദ്വേഷ പ്രസംഗം നടത്തിയതിന്റെ തെളിവായി പൊലീസ് സമര്പ്പിച്ച സിഡി കോടതി നേരത്തേ പരിശോധിച്ചിരുന്നു. പി.സി.ജോര്ജ് എറണാകുളം വെണ്ണല ക്ഷേത്രത്തില് നടത്തിയ പ്രസംഗമാണ് സിഡിയില് ഉണ്ടായിരുന്നത്.
Discussion about this post