പ്ലാസ്റ്റിക് സര്‍ജറി പരാജയപ്പെട്ടതിനെ തുടര്‍ന്ന് കന്നഡ നടി ചേതന രാജ് മരിച്ചു. 21 വയസായിരുന്നു. ബെംഗളൂരുവിലെ സ്വകാര്യ ആശുപത്രിയിലാണ് പ്ലാസ്റ്റിക് സര്‍ജറിക്ക് പിന്നാലെ അന്ത്യം സംഭവിച്ചത്.
തിങ്കളാഴ്ച രാവിലെ ആശുപത്രിയിലെത്തിയ ചേതന ശരീരത്തിലെ കൊഴുപ്പു നീക്കം ചെയ്യാനുള്ള ഫാറ്റ് ഫ്രീ ശസ്ത്രക്രിയയ്ക്കു വിധേയയായിരുന്നു. വൈകിട്ടോടെ ആരോഗ്യനില വഷളായതിനെത്തുടര്‍ന്നാണ് മരിച്ചതെന്നാണ് ആശുപത്രി വൃത്തങ്ങള്‍ സൂചിപ്പിക്കുന്നത്. ശസ്ത്രക്രിയയ്ക്കു പിന്നാലെ ശ്വാസതടസ്സം നേരിട്ടതോടെയാണ് നടിയുടെ നില ഗുരുതരമായതെന്നാണ് സൂചന. ശ്വാസകോശത്തില്‍ വെള്ളം അടിഞ്ഞുകൂടിയതിനെ തുടര്‍ന്നാണ് ചേതനയുടെ അന്ത്യം സംഭവിച്ചതെന്നാണ് റിപ്പോര്‍ട്ട്.
Discussion about this post