പത്തനംതിട്ട: ആരോഗ്യമന്ത്രി വീണ ജോര്ജിനെതിരെ എല്ഡിഎഫിന് പരാതി നല്കി ഡെപ്യൂട്ടി സ്പീക്കര് ചിറ്റയം ഗോപകുമാര്. മന്ത്രി കൂടിയാലോചനകള് നടത്തുന്നില്ലെന്നാണാണ് പരാതി. എല്ഡിഎഫ് കണ്വീനര് ഇ പി ജയരാജനും സി പി ഐ സംസ്ഥാന സെക്രടറി കാനം രാജേന്ദ്രനുമാണ് ചിറ്റയം ഗോപകുമാര് പരാതി നല്കിയത്. തനിക്കെതിരെ പരസ്യമായി ആരോപണങ്ങളുന്നയിച്ച സിപിഐയുടെ ഡെപ്യൂട്ടി സ്പീക്കര്ക്കെതിരെ വീണാ ജോര്ജ് നേരത്തെ എല്ഡിഎഫ് നേതൃത്വത്തിന് പരാതി നല്കിയിരുന്നു.
പത്തനംതിട്ട ജില്ലയുടെ ചുമതലയുള്ള മന്ത്രി എംഎല്എമാരെ ഏകോപിപ്പിക്കുന്നതില് വന് പരാജയമാണെന്നടക്കം ചിറ്റയം ഗോപകുമാര് ആരോപിച്ചിരുന്നു. സര്ക്കാരിന്റെ ഒന്നാം വാര്ഷികത്തോടനുബന്ധിച്ച് പത്തനംതിട്ടയില് നടക്കുന്ന പരിപാടികളിലേക്ക് ക്ഷണിക്കാത്തതിനെ തുടര്ന്നാണ് ചിറ്റയം ഗോപകുമാര് മന്ത്രിക്കെതിരെ വിമര്ശനമുന്നയിച്ചത്. മന്ത്രി കൂടിയാലോചനകള് നടത്തുന്നില്ലെന്നും വിളിച്ചാല് ഫോണ് എടുക്കില്ലെന്നും ചിറ്റയം കുറ്റപ്പെടുത്തുന്നു. വികസന പദ്ധതികളിലും അവഗണനയുണ്ടെന്നും ഡെപ്യൂട്ടി സ്പൂക്കര് തുറന്നടിക്കുന്നു. മന്ത്രി പങ്കെടുക്കുന്ന പരിപാടികളില് നിന്ന് പൂര്ണമായും വിട്ടുനില്ക്കുകയാണ് ചിറ്റയം ഗോപകുമാര്. ഇതിന് പിന്നാലെയാണ് ഇടത് മുന്നണിക്ക് വീണാ ജോര്ജ് പരാതി നല്കിയത്.
Discussion about this post