തിരുവനന്തപുരം: ജവാന്‍ റമ്മിന്റെ വില കൂട്ടണമെന്ന് ബെവ്‌കോയുടെ ശുപാര്‍ശ. വില 10 % കൂട്ടണമെന്നാണ് ബെവ്കോ എം ഡി ശുപാര്‍ശ ചെയ്തിരിക്കുന്നത്. ഇപ്പോള്‍ ലിറ്ററിന് 600 രൂപയാണ് വില. സ്പിരിറ്റ് വില ഉയര്‍ന്നതിനാലാണ് ബെവ്കോ നടപടി.
സര്‍ക്കാര്‍ ഉടമസ്ഥതയിലുള്ള ട്രാവന്‍കൂര്‍ ഷുേേഗഴ്‌സ് ആന്റ് കെമിക്കല്‍സ് ലിമിറ്റഡാണ് ജവാന്‍ റം നിര്‍മ്മിക്കുന്നത്. കോവിഡിന് ശേഷം വലിയ നഷ്ടമുണ്ടായതായാണ് കമ്പനി പറയുന്നത്. സ്പിരിറ്റിനും ഹാര്‍ഡ്‌ബോര്‍ഡ് പെട്ടികള്‍ക്കും കുപ്പിക്കും ലേബലിനുമെല്ലാം വില കൂടി. മദ്യം കൊണ്ടുപോകുന്നതിനും കയറ്റിറക്കത്തിനും ചെലവ് വര്‍ധിച്ചു.
അതേസമയം സംസ്ഥാനത്ത് വിലകുറഞ്ഞ മദ്യം കിട്ടാനില്ലാത്ത അവസ്ഥയുണ്ട്. ബെവ്കോ ഔട്ട്ലറ്റുകളില്‍ വിലകുറഞ്ഞ മദ്യം കിട്ടാനില്ല. ബാറുകളിലും വിലകുറഞ്ഞ മദ്യമില്ല. ഇതുമൂലം രണ്ടാഴ്ചയായി മദ്യവില്‍പനശാലകളില്‍ വന്‍ പ്രതിസന്ധിയാണ്.
Discussion about this post