ഓടുന്ന മെട്രോ ട്രെയിനിന് മുന്നിലേക്ക് യുവാവ് യുവതിയെ തള്ളിയിട്ടു; യുവതി രക്ഷപ്പെട്ടത് അദ്ഭുതകരമായി(വീഡിയോ)

ബ്രസല്‍സ്: ഓടുന്ന മെട്രോ ട്രെയിനിന് മുന്നിലേക്ക് യുവാവ് യുവതിയെ തള്ളിയിട്ടു. ട്രെയിന്‍ പെട്ടെന്ന് നിര്‍ത്തിയതിനാല്‍ യുവതി പരിക്കേല്‍ക്കാതെ രക്ഷപ്പെട്ടു. ബെല്‍ജിയം തലസ്ഥാനമായ ബ്രസല്‍സിലാണ് സംഭവം.

കഴിഞ്ഞ വെള്ളിയാഴ്ച നടന്ന സംഭവത്തിന്റെ വീഡിയോ ഇതിനോടകം വൈറലായി കഴിഞ്ഞു. പ്ലാറ്റ്ഫോമില്‍ ട്രെയിന്‍ കാത്ത് നില്‍ക്കുകയായിരുന്നു യുവതി. ഈ സമയം 24കാരനായ ഫ്രഞ്ച് പൗരന്‍ പിന്നില്‍ നിന്ന് മനപ്പൂര്‍വം യുവതിയെ ട്രെയിനിന് മുന്നിലേക്ക് തള്ളിയിടുകയായിരുന്നു. ലോക്കോ പൈലറ്റിന്റെ സമയോചിതമായ ഇടപെടലാണ് യുവതിയുടെ ജീവന്‍ രക്ഷിച്ചത്.

മികച്ച രീതിയിലാണ് ലോക്കോ പൈലറ്റ് സാഹചര്യം കൈകാര്യം ചെയ്തതെന്ന് ബ്രസല്‍സ് ഇന്റര്‍കമ്മ്യൂണല്‍ ട്രാന്‍സ്പോര്‍ട്ട് കമ്പനി വക്താവ് അറിയിച്ചു. സ്ത്രീയെ ആക്രമിച്ച് രക്ഷപ്പെട്ട യുവാവിനെ മറ്റൊരു മെട്രോ സ്റ്റേഷനില്‍ നിന്ന് പിടികൂടി.യുവതിയെ ആശുപത്രിയില്‍ പ്രവേശിപ്പിച്ചു.

A man deliberately pushed a woman in front of an oncoming train in Brussels. The incident occurred at Rogier metro station in the Belgian. The driver halts inches away from her body.#train #brussels #Metro #Belgium pic.twitter.com/YUwNhglXuY

— Ashmita Chhabria (@ChhabriaAshmita) January 17, 2022