സേതുരാമയ്യര് വീണ്ടുമെത്തുന്നു. മമ്മൂട്ടി-കെ.മധു- എസ് എന് സ്വാമി കൂട്ടുകെട്ടില് ഒരുങ്ങുന്ന സിബിഐ 5യുടെ പൂജയും സ്വിച്ചോണ് കര്മ്മവും നടന്നു. സംവിധായകന് കെ മധു, തിരക്കഥാകൃത്ത് എസ് എന് സ്വാമി, നിര്മാതാവ് സ്വര്ഗ്ഗചിത്ര അപ്പച്ചന് എന്നിവര് ചടങ്ങില് സന്നിഹിതരായിരുന്നു.
ഡിസംബര് പകുതിയോടെയാവും മമ്മൂട്ടി ചിത്രത്തില് ജോയിന് ചെയ്യുകയെന്നാണ് വിവരം. മമ്മൂട്ടിക്കൊപ്പം വനിതാ അന്വേഷണോദ്യോഗസ്ഥരാണ് ഇക്കുറി ഉണ്ടാവുകയെന്ന് റിപ്പോര്ട്ടുകള് ഉണ്ടായിരുന്നു. ആശാ ശരത്താണ് മമ്മൂട്ടിയുടെ നായികയായി എത്തുന്നത്. മുകേഷ്, രണ്ജി പണിക്കര്, സൗബിന് ഷാഹിര്, സായ് കുമാര് എന്നിവര്ക്കൊപ്പം ഒട്ടേറെ താരങ്ങള് ചിത്രത്തിന്റെ ഭാഗമാകും.
1988ലാണ് മ്മൂട്ടി- കെ മധു- എസ് എന് സ്വാമി കൂട്ടുകെട്ടില് സിബിഐ സീരിസിലെ ആദ്യ ചിത്രമായ ഒരു സിബിഐ ഡയറികുറിപ്പ് പുറത്തിറങ്ങുന്നത്. പിന്നീട് ജാഗ്രത, സേതുരാമയ്യര് സിബിഐ, നേരറിയാന് സിബിഐ എന്നീ ചിത്രങ്ങളും പുറത്തെത്തി.
ചിത്രത്തിലെ ഐക്കോണിക് തീം മ്യൂസിക് ഒരുക്കുന്നത് ജേക്സ് ബിജോയ് ആണ്. സിബിഐ സിരീസിലെ മറ്റ് നാല് സിനിമകള്ക്കും പശ്ചാത്തല സംഗീതം ഒരുക്കിയത് സംഗീത സംവിധായകന് ശ്യാം ആയിരുന്നു.
Discussion about this post