അബുദാബി: കോവിഡിന്റെ പുതിയ വകഭേദം റിപ്പോര്ട്ട് ചെയ്ത സാഹചര്യത്തില് ഏഴ് ആഫ്രിക്കന് രാജ്യങ്ങളില് നിന്നുള്ള യാത്രക്കാര്ക്ക് യുഎഇ വിലക്ക് ഏര്പ്പെടുത്തി. ദക്ഷിണാഫ്രിക്ക, നമീബിയ, ബോട്സ്വാന, ലിസോത്തോ, ഇസ്വാതിനി, സിംബാവെ, മൊസംബിക് എന്നീ രാജ്യങ്ങളില് നിന്നുള്ള യാത്രക്കാര്ക്കാണ് യുഎഇയില് താല്ക്കാലിക പ്രവേശന വിലക്ക് ഏര്പ്പെടുത്തിയത്. തീരുമാനം നവംബര് 29 മുതല് പ്രാബല്യത്തില് വരും.
14 ദിവസത്തിനിടെ ഈ ഏഴ് രാജ്യങ്ങള് സന്ദര്ശിച്ചവര്ക്കും യുഎഇയിലേക്ക് പ്രവേശനമുണ്ടാകില്ല. ഇവര്ക്ക് മറ്റ് രാജ്യങ്ങളില് 14 ദിവസം താമസിച്ച ശേഷം യുഎഇയിലേക്ക് വരാം. യുഎഇ പൗരന്മാര്, നയതന്ത്ര പ്രതിനിധികള്, ഗോള്ഡന് വിസയുള്ളവര് എന്നിവര്ക്ക് ഇളവുകളുണ്ട്. ഇവര് യാത്രക്ക് 48 മണിക്കൂര് മുമ്പെടുത്ത കൊവിഡ് നെഗറ്റീവ് ഫലം സമര്പ്പിക്കണം. വിമാനത്താവളത്തില് റാപിഡ് പരിശോധനയ്ക്ക് വിധേയരാകണം. 10 ദിവസം ക്വാറന്റീനില് കഴിയുകയും രാജ്യത്ത് പ്രവേശിച്ച ശേഷം ഒമ്പതാം ദിവസം പിസിആര് പരിശോധന നടത്തുകയും വേണം.
Discussion about this post