കൊച്ചി: നന്നായി റോഡ് പണിയാന് അറിയില്ലെങ്കില് എഞ്ചിനീയര്മാര് രാജിവച്ച് പോകണമെന്ന് ഹൈക്കോടതി. കഴിവുള്ള ഒട്ടേറെ ആളുകള് പുറത്ത് നില്ക്കുന്നുണ്ടെന്നും ജസ്റ്റിസ് ദേവന് രാമചന്ദ്രന് പറഞ്ഞു. കൊച്ചിയിലെ റോഡുകളുടെ ശോചനീയാവസ്ഥ സംബന്ധിച്ച കേസിലാണ് പരാമര്ശം.
റോഡുകള് മികച്ചതായിരിക്കണ്ടത് പൊതുജനത്തിന്റെ ആവശ്യമാണ്. റോഡുകള് തകര്ന്നാല് ഉദ്യോഗസ്ഥരെ പ്രതി ചേര്ത്ത് നിയമനടപടി സ്വീകരിക്കണമെന്ന ഉത്തരവ് കര്ശനമായി നടപ്പാക്കണമെന്നും ഹൈക്കോടതി നിര്ദേശിച്ചു.
കഴിഞ്ഞ വര്ഷം കോടതി ഇടപെട്ട് അറ്റകുറ്റപ്പണി നടത്തിയ കൊച്ചിയിലേതടക്കമുള്ള റോഡുകള് മാസങ്ങള്ക്കകം പഴയപടിയായെന്ന് ജസ്റ്റിസ് ദേവന് രാമചന്ദ്രന് ചൂണ്ടിക്കാട്ടി. റോഡുകള് തകര്ന്നാല് അടിയന്തരമായി നന്നാക്കുന്നതിനുള്ള സംവിധാനമില്ലെന്ന കൊച്ചി കോര്പറേഷന്റെ ന്യായീകരണത്തെയും കോടതി വിമര്ശിച്ചു.
Discussion about this post