തിരുവനന്തപുരം: സംസ്ഥാനത്ത് സ്കൂള് തുറക്കാനുള്ള ഒരുക്കങ്ങള് തുടങ്ങിയെന്ന് വിദ്യാഭ്യാസമന്ത്രി വി ശിവന്കുട്ടി. ക്ലാസുകള് ഷിഫ്റ്റ് അടിസ്ഥാനത്തില് നടക്കും. എല്ലാ ക്ലാസുകളിലും മാസ്ക് നിര്ബന്ധമാക്കും. ബസ് ഉള്പ്പടെ അണുവിമുക്തമാക്കും. ബസില്ലാത്ത സ്കൂളുകളില് പ്രത്യേക സംവിധാനം ഏര്പ്പെടുത്തുമെന്നും മന്ത്രി പറഞ്ഞു.
വിദ്യാഭ്യാസ വകുപ്പുമായി ചര്ച്ച ചെയ്താണ് തീരുമാനമെടുത്തത്. ആരോഗ്യവകുപ്പുമായി ചേര്ന്നാണ് പദ്ധതി തയാറാക്കുന്നത്. മുഖ്യമന്ത്രിക്ക് സമര്പ്പിക്കും. സുരക്ഷിതത്വം ഉറപ്പാക്കും. ക്ലാസുകള് എങ്ങനെവേണമെന്ന് തീരുമാനിക്കും. സമാന്തരമായി ഓണ്ലൈന് ക്ലാസുകളും നടക്കും. അധ്യാപകസംഘടനകളുമായും ആലോചിക്കും. രക്ഷിതാക്കളുടെ ആശങ്ക അകറ്റുമെന്നും മന്ത്രി പറഞ്ഞു.
സ്കൂള് തുറക്കുന്നത് സംബന്ധിച്ച് രണ്ട് ദിവസത്തിനകം ഉദ്യോഗസ്ഥതല ചര്ച്ച നടത്തുമെന്ന് മന്ത്രി അറിയിച്ചു. വിദ്യാഭ്യാസവകുപ്പും ആരോഗ്യവകുപ്പും സംയുക്തമായി തീരുമാനമെടുക്കുമെന്നും മന്ത്രി അറിയിച്ചു.
Discussion about this post