സിനിമാതാരങ്ങള്ക്ക് യുഎഇ ഗോള്ഡന് വിസ നല്കിയത് കേരളത്തിലെ കിറ്റ് വിതരണം പോലെയാണെന്ന് പരിഹസിച്ച് സന്തോഷ് പണ്ഡിറ്റ്. നിരവധി വലിയ താരങ്ങള്ക്ക് ഗോള്ഡന് വിസ കൊടുത്തുവെന്ന് കേട്ടു. ചെറിയ നടനായ തനിക്ക് ബ്രോണ്സ് വിസ എങ്കിലും തരണം എന്നും പറഞ്ഞാണ് സന്തോഷ് പണ്ഡിറ്റിന്റെ ഫേസ്ബുക്ക് കുറിപ്പ്.
സന്തോഷ് പണ്ഡിറ്റിന്റെ ഫേസ്ബുക്ക് കുറിപ്പിന്റെ പൂര്ണരൂപം
മക്കളേ..
മലയാള സിനിമയിലെ നിരവധി വലിയ താരങ്ങള്ക്കു UAE ‘Golden Visa’ കൊടുത്തു എന്ന് കേട്ടു. അതിനാല് ഒരു ചെറിയ നടനായ എനിക്ക് ഒരു ‘ Bronze Visa’ എങ്കിലും തരണമെന്ന് വിനീതമായി അപേക്ഷിക്കുന്നു . (സ്വര്ണമില്ലെങ്കിലും വെങ്കലം വെച്ച് ഞാന് അഡ്ജസ്റ്റ് ചെയ്യും . അങ്ങനെ Golden Visa തന്നാലേ സ്വീകരിക്കൂ എന്ന ജാഡയൊന്നും ഇല്ല . പാവമാണ് ട്ടോ )
പണവും പ്രശസ്തിയും ഉള്ളവര്ക്ക് എല്ലാ അംഗീകാരവും കിട്ടുന്നു. പ്രവാസികള് ആയി ഒരു ആയുസ്സ് മുഴുവന് പണിയെടുക്കുന്ന പാവങ്ങള്ക്ക് ഇന്നേവരെ Golden Visa കിട്ടിയതായി ആര്ക്കെങ്കിലും അറിവുണ്ടോ ?
(വാല്കഷ്ണം … Golden Visa ആദ്യം രണ്ടു പ്രമുഖ താരങ്ങള്ക്കു കൊടുത്തപ്പോള് അതൊരു സംഭവം ആണെന്ന് എനിക്ക് തോന്നി . എന്നാല് ഇപ്പോള് നിരവധി താരങ്ങള്ക്കു കൊടുക്കുന്നു . ഇതൊരു മാതിരി കേരളത്തില് ‘kit’ വിതരണം ചെയ്യുന്നത് പോലെ ആയി . ഏതായാലും നല്ല കാര്യം ആണേ ..)
എല്ലാവര്ക്കും നന്ദി
By Santhosh Pandit (മറയില്ലാത്ത വാക്കുകള് , മായമില്ലാത്ത പ്രവര്ത്തികള് , ആയിരം സാംസ്കാരിക നായകന്മാര്ക്ക് അര പണ്ഡിറ്റ് .. പണ്ഡിറ്റിനെ പോലെ ആരും ഇല്ല )
Discussion about this post