കോഴിക്കോട്: കാട്ടുപന്നിയെ കൊല്ലാന് ഹൈക്കോടതിയുടെ അനുമതി ലഭിച്ചവരില് കന്യാസ്ത്രീയും. കോഴിക്കോട് ജില്ലയിലെ കരുവാരക്കുണ്ടിലെ മുതുകാട് സിഎംസി കോണ്വന്റിലെ സിസ്റ്റര് ജോഫിയാണ് ഹൈക്കോടതിയുടെ പ്രത്യേക അനുമതി ലഭിച്ചവരില് ഒരാള്. കോഴിക്കോട്, വയനാട് ജില്ലകളിലെ 13 പേര്ക്കാണ് അനുമതി ലഭിച്ചിട്ടുള്ളത്.
വി ഫാം കര്ഷക സംഘടനയുടെ നേതൃത്വത്തില് സിസ്റ്റര് ഹൈക്കോടതിയെ സമീപിച്ചത്. കോണ്വെന്റിലെ പറമ്പിലെ വിളകള് എല്ലാം തന്നെ കാട്ടുപന്നിയുടെ ആക്രമണത്തില് നശിച്ചിരുന്നു. മഠത്തിന് നാല് ഏക്കര് കൃഷിഭൂമിയാണുള്ളത്. കൃഷിയിടങ്ങളില് കാട്ടുപന്നി കൂട് വയ്ക്കുന്ന സ്ഥിതിയാണ് അടുത്ത കാലത്തുള്ളതെന്നും സിസ്റ്റര് പറയുന്നു.
കാട്ടുപന്നിയെ തോട്ടത്തില് നിന്ന് ഓടിക്കാതെ കൃഷി സാധ്യമല്ലെന്ന അവസ്ഥയാണ് പ്രദേശത്തുള്ളതെന്നാണ് സിസ്റ്റര് പറയുന്നത്. കാട്ടുപന്നിക്ക് ക്ഷുദ്രജീവി പദവി നല്കുന്നതുമായി ബന്ധപ്പെട്ട് വനം മന്ത്രി എ കെ ശശീന്ദ്രന് നിയമസഭയെ തെറ്റിദ്ധരിപ്പിച്ചെന്ന് ആരോപണം ഉയര്ന്നിരുന്നു. നിയമസഭയില് എംഎല്എമാരായ ഷാഫി പറമ്പില്, മാത്യു കുഴല്നാടന്, സനീഷ് കുമാര് ജോസഫ്, അന്വര് സാദത്ത് എന്നിവരുടെ നക്ഷത്രചിഹ്നം ഇട്ട ചോദ്യം നമ്പര് 357യ ചോദ്യത്തിന് മറുപടി പറയവേയാണ് മന്ത്രി, നിയമസഭാ സാമാജികരെയും സഭയെ തന്നെയും കബളിപ്പിച്ചത്. ഇതിന് പിന്നാലെയാണ് കര്ഷക സംഘടനയിലൂടെ കോടതിയെ സമീപിച്ചതില് 13 പേര്ക്ക് കാട്ടുപന്നിയെ കൊല്ലാനുള്ള അനുമതി കോടതി നല്കിയത്.
Discussion about this post