മസ്കത്ത്: ഒമാനില് നിലവിലുള്ള രാത്രി ലോക്ക്ഡൗണ് ശനിയാഴ്ച അവസാനിക്കും. ഒമാന് ഭരണാധികാരി സുല്ത്താന് ഹൈതം ബിന് താരിഖ് മുന്നോട്ടുവെച്ച നിര്ദേശങ്ങളുടെ ഭാഗമായാണ് നടപടി.
കര, വ്യോമ, സമുദ്ര മാര്ഗങ്ങളിലൂടെ ഒമാനിലേക്ക് പ്രവേശിക്കുന്നവര് രണ്ട് ഡോസ് വാക്സിനും സ്വീകരിച്ചിരിക്കണമെന്നും അധികൃതര് അറിയിച്ചു. 18 വയസിന് മുകളിലുള്ളവര്ക്കാണ് ഈ നിബന്ധന ബാധകം. ഇതിന് പുറമെ രാജ്യത്തെത്തിയ ഉടന് ആര്.ടി പി.സി.ആര് പരിശോധനയ്ക്ക് വിധേയമാവണം. റിസള്ട്ട് പോസിറ്റീവാണെങ്കില് ഏഴ് ദിവസം ക്വാറന്റീനില് കഴിഞ്ഞ ശേഷം എട്ടാം ദിവസം വീണ്ടും പരിശോധന നടത്തുകയും വേണം.
രാജ്യത്തെ സര്ക്കാര് ഓഫീസുകളിലും, സ്വകാര്യ സ്ഥാപനങ്ങളിലും, വാണിജ്യ കോംപ്ലക്സുകളിലും, റസ്റ്റോറന്റുകളിലും ഷോപ്പിംഗ് മാളുകളിലും പ്രവേശിക്കുന്നതിനും വാക്സിനേഷന് നിര്ബന്ധമാക്കി. സെപ്തംബര് ഒന്നു മുതലാണ് ഇത് പ്രാബല്യത്തില് വരുന്നത്.
Discussion about this post