തൃശ്ശൂര്: അടുത്ത മാസം 9 മുതല് എല്ലാ കടകളും തുറക്കുമെന്ന് വ്യാപാരി വ്യവസായി ഏകോപനസമിതി. വ്യാപാരികള്ക്കെതിരെ പോലീസ് കേസ് എടുത്താല് സമിതി പ്രസിഡന്റ് മരണം വരെ നിരാഹാരമിരിക്കുമെന്നും സമിതി നേതാക്കള് അറിയിച്ചു.
ബക്രീദിന് ശേഷം കടകള് തുറക്കുന്നതില് ഇളവ് നല്കണമെന്ന ആവശ്യം സര്ക്കാര് നിരാകരിച്ച സാഹചര്യത്തിലാണ് വ്യാപാരി വ്യവസായി ഏകോപന സമിതി വീണ്ടും സമരരംഗത്തേക്കിറങ്ങുന്നത്. ഓഗസ്റ്റ് രണ്ട് മുതല് സെക്രട്ടേറിയറ്റിന് മുന്നില് ധര്ണ്ണയിരിക്കാനും ധാരണയായി. തൃശ്ശൂരില് ചേര്ന്ന വ്യാപാരി വ്യവസായി സംസ്ഥാന സമിതി യോഗത്തിലാണ് തീരുമാനം.
സംസ്ഥാനത്തെ വ്യാപാരികള് ആത്മഹത്യയുടെ വക്കിലാണെന്ന് യോഗത്തിന് ശേഷം മാധ്യമങ്ങളെ കണ്ട വ്യാപാരി വ്യവസായി ഏകോപന സമിതി സംസ്ഥാന അധ്യക്ഷന് ടി.നസറുദ്ദീന് പറഞ്ഞു.
Discussion about this post