ന്യൂഡല്ഹി: സംസ്ഥാനത്ത് ലോക്ക്ഡൗണില് കൂടുതല് ഇളവുകളില്ല. വാരാന്ത്യ ലോക്ക്ഡൗണ് തുടരാനാണ് മുഖ്യമന്ത്രിയുടെ നേതൃത്വത്തില് ചേര്ന്ന അവലോകന യോഗം തീരുമാനിച്ചത്.
ടിപിആര് നിരക്കനുസരിച്ച് തദ്ദേശസ്ഥാപനങ്ങളില് നിയന്ത്രണങ്ങള് ഏര്പ്പെടുത്തുന്ന രീതി തുടരും. നാല് സ്ലാബ് അനുസരിച്ചായിരിക്കും നിയന്ത്രണങ്ങള് ഏര്പ്പെടുത്തുക. ഏതെല്ലാം തദ്ദേശസ്ഥാപനങ്ങള് ഏത് സ്ലാബുകളില് വരുമെന്നത് ബുധനാഴ്ച പ്രഖ്യാപിക്കും.
വെള്ളിയാഴ്ച മൂന്ന് ലക്ഷം കൊവിഡ് പരിശോധനകള് അധികമായി നടത്തുമെന്ന് മുഖ്യമന്ത്രി പറഞ്ഞു. ഇടുക്കിയിലെ തോട്ടം തൊഴിലാളികള് ജോലിക്കായി ദിവസവും അതിര്ത്തി കടന്നുവരുന്നത് ഒഴിവാക്കണം. അതത് സ്ഥലങ്ങളില് താമസിച്ച് ജോലിചെയ്യാനുള്ള സംവിധാനം ആലോചിക്കണമെന്നും മുഖ്യമന്ത്രി പറഞ്ഞു.
Discussion about this post