മലയാളികള് നെഞ്ചേറ്റിയ ഗായകനാണ് ഹരീഷ് ശിവരാമകൃഷ്ണന്. ഒട്ടേറെ ആരാധകരുള്ള ഹരീഷ് ശിവരാമകൃഷ്ണന് വിമര്ശനങ്ങളും നേരിടേണ്ടി വരാറുണ്ട്. ഇപ്പോഴിതാ വിമര്ശനങ്ങള് മറുപടിയുമായി രംഗത്തെത്തിയിരിക്കുകയാണ് ഹരീഷ് ശിവരാമകൃഷ്ണന്. ഫേസ്ബുക്ക് പേജിലാണ് ഒരു കുറിപ്പ് പങ്കുവെച്ചിരിക്കുന്നത്.
ഫേസ്ബുക്ക് കുറിപ്പിന്റെ പൂര്ണരൂപം:
ഒരുപാട് കഷ്ടപ്പെട്ടും, വിജയിച്ചും, പരാജയപ്പെട്ടും, ചിരിച്ചും, കരഞ്ഞും, കഠിനാധ്വാനം ചെയ്തും, പലതവണ വീണും, ചാന്സ് ഇന് വേണ്ടി അലഞ്ഞും, ചവിട്ടി താഴ്ത്തിപ്പെട്ടും, പൊടി തട്ടി എണീറ്റും തന്നെ ആണ് ഇക്കണ്ട കാലം മുഴുവന് ജീവിച്ചത് – അതില് നിന്നു പാഠങ്ങള് ഉള്ക്കൊണ്ടും, തോല്ക്കാന് മനസ്സില്ലാതെ നിവര്ന്നു നില്ക്കാന് സ്വയം ശീലിപ്പിച്ചും തന്നെ ആണ് ഞാന് യാത്ര ചെയ്തു കൊണ്ടിരിക്കുന്നത്.
ഇനി ഉള്ള കാലവും വയര് അകത്തേക്ക് വലിച്ചു പിടിച്ചു, sunglass ഉം വെച്ചു, പട്ടി ഷോ കാണിച്ചു ഇങ്ങനെ തന്നെ ഞാന് ഉണ്ടാവും….
തലയുടെ മുന്വശത്തില്, കൊഴിഞ്ഞു പോയ മുടി കവര് ചെയ്യാന് wig വെച്ചിട്ടുണ്ട്, അതു ചിലദിവസം കൊരങ്ങന് തൊപ്പി വെച്ച പോലെ ഇരിക്കുമ്പോ കവര് ചെയ്യാന് ഈ തലേക്കെട്ടും വെക്കാറുണ്ട്.
Discussion about this post