ടോക്യോ: ഒളിംപിക് വില്ലേജില് കൊവിഡ്. പരിശോധനയ്ക്കിടെ ആദ്യ കൊവിഡ് കേസ് സ്ഥിരീകരിച്ചതായി ഒളിംപിക്സ് സംഘാടക സമിതി വക്താവ് വാര്ത്താസമ്മേളനത്തില് അറിയിച്ചു. ടോക്യോ ഒളിംപിക്സിന് തിരി തെളിയാന് ആറ് ദിവസം മാത്രം അവശേഷിക്കേ ആശങ്ക പടര്ത്തി കൊവിഡ് സ്ഥിരീകരിച്ചത്.
വിദേശത്തുനിന്ന് എത്തിയ ഒഫീഷ്യലിനാണ് രോഗബാധ. താരങ്ങളും ഒഫീഷ്യല്സും താമസിക്കുന്ന ഒളിംപിക് വില്ലേജിന് പുറത്ത് ഹോട്ടലിലാണ് കൊവിഡ് പോസിറ്റീവായ ആളെ താമസിപ്പിച്ചിരിക്കുന്നത്.
കൊവിഡ് ഡെല്റ്റാ വകഭേദം പടരുന്നതിനാല് ടോക്യോയില് ആരോഗ്യ അടിയന്തരാവസ്ഥയിലാണ് ഒളിംപിക്സ് നടക്കുന്നത്. ജൂലൈ 12 മുതല് ഓഗസ്റ്റ് 22 വരെയാണ് അരോഗ്യ അടിയന്തരാവസ്ഥ പ്രഖ്യാപിച്ചിരിക്കുന്നത്. അതിനാല് ഇത്തവണ കാണികള്ക്ക് പ്രവേശനമില്ല.
Discussion about this post