തിരുവനന്തപുരം: സംസ്ഥാനത്ത് സ്ത്രീധന പീഡനത്തിന്റെ ഫലമായി പെണ്കുട്ടികള്ക്ക് ജീവന് നഷ്ടപ്പെടുന്ന അവസ്ഥ നമ്മുടെ നാട്ടിലാണുണ്ടാകുന്നത് എന്നത് നിസ്സാര കാര്യമല്ലെന്ന് മുഖ്യമന്ത്രി പിണറായി വിജയന്. അത്തരം വിഷയങ്ങള് ഗൗരവമായി കണ്ട് നേരിടുകയും കുറ്റവാളികള്ക്ക് കടുത്ത ശിക്ഷ ഉറപ്പാക്കുകയും ചെയ്യുമെന്നും മുഖ്യമന്ത്രി പറഞ്ഞു.
വനിതകള് നേരിടുന്ന സൈബര് അതിക്രമങ്ങള് സംബന്ധിച്ച പരാതികള് സ്വീകരിക്കുന്നതിനും പരിഹാരം കണ്ടെത്തുന്നതിനും അപരാജിത
ഓണ്ലൈന് എന്ന സംവിധാനം ഇപ്പോള് നിലവിലുണ്ട്. സ്ത്രീധനവുമായി ബന്ധപ്പെട്ട അതിക്രമങ്ങള് ഉള്പ്പെടെയുളള ഗാര്ഹിക പീഡനങ്ങള്
സംബന്ധിച്ച് പരാതികള് നല്കുന്നതിന് ഇനി മുതല് ഈ സംവിധാനം ഉപയോഗിക്കാവുന്നതാണ്. ഇത്തരം പരാതികളുളളവര്ക്ക്[email protected]എന്ന വിലാസത്തിലേയ്ക്ക് മെയില് അയയ്ക്കാം. ഈ സംവിധാനത്തിലേയ്ക്ക് വിളിക്കാനുള്ള മൊബൈല് നമ്പര് 9497996992 നാളെ നിലവില് വരും. കൂടാതെ പോലീസ് ആസ്ഥാനത്ത് 24 മണിക്കൂറും പ്രവര്ത്തിക്കുന്ന സംസ്ഥാന പോലീസ് മേധാവിയുടെ
കണ്ട്രോള് റൂമിലും പരാതികള് അറിയിക്കാം. ഫോണ് 9497900999, 9497900286.
സ്ത്രീധനവുമായി ബന്ധപ്പെട്ട പരാതികളും പ്രശ്നങ്ങളും അന്വേഷിക്കുന്നതിന് പത്തനംതിട്ട ജില്ലാ പോലീസ് മേധാവി ആര്.നിശാന്തിനിയെ
സ്റ്റേറ്റ് നോഡല് ഓഫീസര് ആയി നിയോഗിച്ചിട്ടുണ്ട്. ഒരു വനിതാ എസ്.ഐ അവരെ സഹായിക്കും. 9497999955 എന്ന നമ്പറില് നാളെ മുതല് പരാതികള് അറിയിക്കാം. ഏത് പ്രായത്തിലുമുളള വനിതകള് നല്കുന്ന പരാതികള്ക്ക് മുന്തിയ പരിഗണന നല്കി പരിഹാരം ഉണ്ടാക്കാന് ജില്ലാ പോലീസ് മേധാവിമാര്ക്ക് നിര്ദ്ദേശം നല്കിയിട്ടുണ്ട്.
Discussion about this post