ശാസ്താംകോട്ട: കൊല്ലം ശാസ്താംകോട്ടയില് മരിച്ച വിസ്മയയുടെ ഭര്ത്താവ് കിരണ് കുമാറിന്റെ അറസ്റ്റ് രേഖപ്പെടുത്തി. അസിസ്റ്റന്റ് മോട്ടോര് വെഹിക്കിള് ഇന്സ്പെക്ടര് ആയ കിരണ് കുമാറിനെതിരെ സ്ത്രീപീഡനം ഉള്പ്പെടെയുള്ള വകുപ്പുകള് ചുമത്തിയാണ് രാവിലെ അറസ്റ്റ് രേഖപ്പെടുത്തിയത്.
അമ്പലത്തുംഭാഗത്തെ ഭര്തൃഗൃഹത്തില് തിങ്കളാഴ്ച പുലര്ച്ചെ മൂന്നോടെയാണ് വിസ്മയയെ തൂങ്ങിമരിച്ച നിലയില് കാണപ്പെട്ടത്. വീടിന്റെ മുകള് നിലയിലെ ശുചിമുറിയില് തൂങ്ങിയ നിലയില് കാണപ്പെട്ട വിസ്മയയെ ഭര്തൃവീട്ടുകാര് ശാസ്താംകോട്ടയിലെ സ്വകാര്യ ആശുപത്രിയില് എത്തിച്ചിരുന്നങ്കിലും മരണം സംഭവിച്ചിരുന്നു. മരണത്തില് ദുരൂഹത ഉയര്ന്നതിനാല് പിന്നീട് പോലീസ് എത്തി മൃതദേഹം തിരുവനന്തപുരം മെഡിക്കല് കോളജ് ആശുപത്രിയില് പോസ്റ്റ്മോര്ട്ടത്തിന് എത്തിച്ചു. തുടര്ന്ന് മൃതദേഹം വീട്ടുവളപ്പില് സംസ്കരിച്ചു.
ഭര്തൃഗൃഹത്തില് വച്ച് മര്ദ്ദനമേറ്റെന്നു കാട്ടി കഴിഞ്ഞ ദിവസം വിസ്മയ ബന്ധുക്കള്ക്ക് വാട്ട്സ്ആപ്പ് സന്ദേശം അയച്ചിരുന്നു. മര്ദ്ദനത്തില് പരിക്കേറ്റ ദൃശ്യങ്ങളും ബന്ധുക്കള്ക്ക് കൈമാറിയിരുന്നു.
Discussion about this post